«Ռոբերտ Քոչարյանը պետք է պատասխանի Սամվել Նիկոյանին». Արամ Սարգսյան (video)

Ելք խմբակցության պատգամավոր Արամ Սարգսյանը կարծում է, որ ՀՀԿ-ն կողմ քվեարկեց մարտի 1-2 իրադարձությունների վերաբերյալ իրենց նախագծին, քանի որ ունի իր դրդապատճառները. «Իշխանությունը նշում է, որ մարտի 1-ի հարցը իրենց համար նույնպես շատ կարևոր է, բայց կա նաև մեկ այլ միտում. իշխանությունը սլաքներն ուղղում է Ռոբերտ Քոչարյանի վրա»: Ո՞վ հրաման տվեց մտնել Ազատության հրապարակ, սա է հարցերի հարցը. «Թե՛ ազգային անվտանգությունը, թե՛ Ռոբերտ Քոչարյանը, թե՛ Սերժ Սարգսյանը շատ լավ գիտեին, որ գործընթացները փետրվարի 26-ից հետո գնում էին մարման: Կային խոսակցություններ, որ Ռոբերտ Քոչարյանը հնարավոր է ինքնուրույն է կայացրել նման որոշում հետգայում իրենից ավելի թույլ նախագահ ունենալու խնդիրը լուծելու համար» : Արամ Սարգսյանն արձագանքեց նաև Սամվել Նիկոյանի այն ակնարկին, որ ԵԼՔ-ի լիդերներն այնքան էլ շահագրգռված չեն, որպեսզի մարտի 1-ը բացահայտվի. «Զարմանալի կլիներ, եթե Սամվել Նիկոյանն ասեր հակառակը, բայց իմաստ չկա, որ մենք չցանկանանք, մարտի 1-ը բացահայտվի: Չէ՞ որ մենք դատվել ենք այդ գործընթացների համար»: Առավել մանրամասն՝ տեսանյութում.