Ամուսնուցս վախենալով՝ տարել, աղբամանն եմ գցել. նորածնին աղբանոցը նետած մոր արդարացումը.ՀԺ

Հայկական ժամանակը գրում է. Արմավիրի քաղաքային աղբանոցում հոշոտված հայտնաբերված նորածնի մայրը պատմել է, թե ինչու եւ ինչպես է տղա երեխային նետել աղբանոցը: Երեխան անցանկալի պտուղ է եղել ոչ միայն իր, այլ նաեւ՝ ամուսնու համար: 37-ամյա մոր՝ Պայծառի պատմելով, երեխան մահացած է ծնվել, իսկ երեխային աղբանոցն է նետել, քանի որ վախեցել է ամուսնուց. «Ամուսնուցս վախենալով՝ տարել, աղբամանն եմ գցել»,- Հանրային հեռուստաընկերության հետ զրույցում ասել է մայրը, ավելացնելով. «Էդ հղիությունը պատահական էր եղել, ոչ ես էի ուզում, ոչ էլ ամուսինս»: 37-ամյա կինը ծննդաբերել է տան լոգարանում՝ միայնակ: Ասում է, երբեք տանը չէր ծննդաբերել, այս անգամ՝ ստացվեց: Նրա պատմելով՝ ուրիշ լուծում չի գտել, քան նորածնին աղբամանը գցելը. «Ամուսինս չգիտեր, որ ես հղի էի, ես որ չաղ էի, շորեր էի հագնում, փորս չէր երեւում»,- պատմել է կինը, բացատրելով, թե ինչպես է կարողացել 9 ամիս շարունակ հղիությունը աննկատ պահել ամուսնուց: Լոգարանը, որտեղ ծննդաբերել է 7 երեխա լույս աշխարհ բերած մոր երեխաներից երկուսը մահացել են տարիներ առաջ՝ իրար հետեւից, այս փոքրիկը, փաստորեն, եւս մահացավ, մյուս երեխաներն առողջական խնդիրներ ունեն ու գտնվում են հատուկ հաստատություններում: Պայծառի մոտ միայն 1.8 տարեկան տղան է: Առավել մանրամասն  armtimes.com