«Իմ կարծիքն ու Նիկոլ Փաշինյանի կարծիքը լրիվ տարբեր են». Գալուստ Սահակյան (video)
Այսօր բարձրագույն խորհրդի անդամները ԱԺ-ում պատասխանում էին պատգամավորների հարցերին, մասնավորապես ԵԼՔ խմբակցության պատգամավոր Նիկոլ Փաշինյանը անդամներից յուրաքանչյուրից հետաքրքրվեց, արդյոք Հայաստանում կան քաղբանտարկյալներ: Այնուհետև, լրագրողներն անդրադառնալով վերը նշվածին, Գալուստ Սահակյանից հետաքրքրվեցին, արդյոք Հայաստանում կան քաղբանտարկյալներ, որին ի պատասխան պատգամավորը նշեց. «Հայաստանում իմ կարծիքով չկան քաղբանտարկյալներ: Դրանք քաղբանտարկյալի պրոցեսներ չեն, պարզապես մարդիկ են, որ որոշակի քաղաքական ծրագրեր ունեն և պայքարում են այդ ծրագրերի համար: Իրենց ծրագրերն իրագործելու համար, եթե հանցագործություն են կատարում, դա չի նշանակում, որ քաղբանտարկյալներ են, այլ՝ հանցագործության համար բռնվածներ»: Գալուստ Սահակյանի կարծիքով, եթե դատական իշխանությունները Հայաստանում զարգացում չապրեն, մենք մեծ դժվարություններ կունենանք առաջիկայում: Եզրափակելով խոսքը՝ Գալուստ Սահակյանն ընդգծեց, որ բարձրագույն խորհրդի անդամներից սպասելիքը մեկն է՝ նրանք պետք լավ աշխատեն, որպեսզի դատական մարմիններն իրենց տեղում գտնվեն։ Մանրամասները՝ տեսանյութում.
Հետևեք մեզ Viber-ում
