«Մարդը եղել է փոխնախագահ, վարչապետ, ՍԴ նախագահ, չգիտի՝ ՀՀ-ում քաղբանտարկյալ եղե՞լ է, թե՞ ոչ». Փաշինյան
«Գագիկ Հարությունյանից իմացանք, որ ՀՀ-ում նախագահական ընտրությունները երբեք չեն կեղծվել. մարդը եղել է փոխնախագահ, վարչապետ, ՍԴ նախագահ, չգիտի՝ ՀՀ-ում քաղբանտարկյալ եղե՞լ է, թե՞ ոչ, ու սա նրա հարաբերությունն է ճշմարտության հետ: Չգիտեն նաև բազմաթիվ այլ մարդիկ՝ նույն ռանգի, բարձր, ցածր»,- նման հայտարարությամբ հանդես եկավ ԱԺ-ում «Ելք» խմբակցության ղեկավար Նիկոլ Փաշինյանը: Նիկոլ Փաշինյանը մի քանի անգամ Բարձրագույն դատական խորհրդի անդամների թեկնածուներին հարց ուղղեց Սերժ Սարգսյանի պաշտոնավարման վերաբերյալ նրա արած հայտնի հայտարարության վերաբերյալ, ինչին ի պատասխան Վահրամ Բաղդասարյանն ասաց, որ ինչպես ինքն, այնպես էլ յուրաքանչյուր քաղաքական գործից, լուրջ է վերաբերվում ՀՀ նախագահի յուրաքանչյուր հայտարարությանը, սակայն պետք չէ հավակնություններով և ցանկություններով առաջ շարժվել: «Սերժ Սարգսյանը, բացի ՀՀԿ-ի առաջնորդը լինելուց, շարքային կուսակցական է և պարտավոր է ենթարկվել քաղաքական ուժի որոշումներին, և որ յուրաքանչյուր քաղաքական գործիչ ազատ է իր հայտարարությունների մեջ, բայց յուրաքանչյուր պարկեշտ քաղաքական գործիչ պարտավոր է ենթարկվել քաղաքական որոշումներին»,- եզրափակեց նա: Հիշեցնենք, որ ԲԴԽ անդամների փակ, գաղտնի քվեարկությունը տեղի կունենա վաղն առավոտյան:
Հետևեք մեզ Viber-ում
