Իրական կասկածյալը հայտնաբերվել և ձերբակալվել է, անմեղին բանտից ազատ են արձակել (լուսանկարներ)

15:21 - 24/փետրվարի/2018

Երևան քաղաքի դատախազության ծառայողները Հայաստանի քննչական կոմիտեի Երևան քաղաքի քննչական վարչության քննիչների հետ ձեռնարկված օպերատիվ տեղեկություններով պարզել են Երևանում փետրվարի 10-ին մահվան ելքով վրաերթ կատարած իրական վարորդի ինքնությունը, ում փոխարեն Ոստիկանության Շենգավիթի բաժին էր ներկայացել նրա եղբայրը՝ Երևան քաղաքի Արարատյան փողոցի բնակիչ, 33-ամյա Սևակ Հովհաննիսյանը։Shamshyan.com-ի հաղորդմամբ, Երևան քաղաքի դատախազության և քննչական կոմիտեի Երևանի քննչական վարչության ծառայողերը աշխատանքների արդյունքում պարզել են, որ վրաերթը կատարել է 38-ամյա Գեղամ Հովհաննիսյանը, ով այսօր՝ փետրվարի 24-ին, հատկապես կարևոր գործերով ավագ քննիչ Գեղամ Գրիգորյանի որոշմամբ ձերբակալվել է։ Ֆոտոլրագրողի տեղեկություններով՝ Նուբարաշենի բանտից ազատ է արձակվել Ս. Հովհաննիսյանը, ով եղբոր կատարած հանցագործությունը իր վրա էր վերցրել: Միջնորդություն է ներկայացվել դատարան, որպեսզի Գ. Հովհաննիսյանը վերցվի երկամսյա կալանքի։ Դատավոր Արթուր Մկրտչյանը դռնփակ դատական նիստն անցկացնելուց և խորհրդակցական սենյակից վերադառնալով՝ բավարարել էր քննիչի միջնորդությունը և Ս. Հովհաննիսյանը դատարանից տեղափոխվելու էր «Նուբարաշեն» քրեակատարողական հիմնարկ: Վերջինս մեղադրվում է փետրվարի 10-ին Երևանում իր եղբորը պատկանող KIA մակնիշի ավտոմեքենայով հետիոտնին մահվան ելքով վրաերթի ենթարկելու մեջ, ով դեպքի վայրից դիմել էր փախուստի, սակայն կարճ ժամանակ անց մեղայականով ներկայացել էր Ոստիկանության Շենգավիթի բաժին: Երևանի դատախազությունն ու քննչական վարչությունը ապացուցեցին, թե ում օրն է 40 օր. իրական կասկածյալը հայտնաբերվել ու ձերբակալվել է, անմեղին բանտից բաց են թողել. ՖՈՏՈՌԵՊՈՐՏԱԺ, ՏԵՍԱՆՅՈՒԹԵՐ

Երևանի դատախազությունն ու քննչական վարչությունը ապացուցեցին, թե ում օրն է 40 օր. իրական կասկածյալը հայտնաբերվել ու ձերբակալվել է, անմեղին բանտից բաց են թողել. ՖՈՏՈՌԵՊՈՐՏԱԺ, ՏԵՍԱՆՅՈՒԹԵՐ