Հեղինե Բիշարյանը բիշարյանական ոճով կազմակերպեց

Մեկնարկել է «Օրինաց երկիր» կուսակցության 15-րդ համագումարը , որի օրակարգի հիմնական հարցերն էին՝ կուսակցության անելիքները և որոշումներ, նախագահի, ղեկավարների մարմինների ընտրությունները, նախատեսված են նաև ելույթներ և որոշում կայացվեց իրականացնել բաց քվեարկություն: Կուսակցության ղեկավար Արթուր Բաղդասարյանին եւ նրան ուղեկցող ԱԺ նախկին պատգամավորներ Հեղինե Բիշարյանին եւ Մհեր Շահգելդյանին ներկաները դիմավորեցին հոտնկայս եւ ծափահարություններով։ Կուսակցության հիմնից հետո Արթուր Բաղդասարյանը առաջարկեց լսել ՀՀ օրհներգը, սակայն մի քանի րոպե ոտքի վրա սպասելուց հետո հիմն այդպես էլ չհնչեց՝ տեխնիկական խնդիրների պատճառով։ Համագումարին կուսակցության փոխնախագահ Հեղինե Բիշարյանն առաջարկեց «Օրինաց երկիր» կուսակցության նախագահ բաց քվեարկությամբ ընտրել Արթուր Բաղդասարյանին: ՕԵԿ փոխնախագահ Հեղինե Բիշարյանը իր ելույթում անդրադառնալով խորհրդարանական ընտրություններին, քննադատեց ռեյտինգային ընտրակարգը. «Խորհրդարանի գինն ու աշխատանքը չիմացողները ունեցան տեղ խորհրդանում և կոչ արեց աշխատացնել նրանց:ՕԵԿ-ը 21  տարի շարունակ պայքարել է և ունի իր լուրջ դերակատարությունը, տեղը, դերն ու նշանակությունը և իր կատարած աշխատանքը, որի առաջ պետք է խոնարհվել:Կուսակցությունը 260 օրինագիծ է ներկայացրել և հպարտանում է իր կատարած աշխատանքով»,-ասաց նա : Նա նշեց, որ հաճախ իրենց քաղաքացիները հարց են բարձրացնում, թե ինչպե՞ս էր ՕԵԿ-ին հաջողվում կոալիցիայի մեջ պայքարել այնպես,  որ քաղաքացին իր թիկունքում զգա պետությունը, իսկ հիմա ոչինչ չի արվում։ Բիշարյանի խոսքով` պայքարը շարունակելու են, որ անարդարությունը քչանա: «Եթե ես ասում եմ ՝ ես, ուրեմն կուսակցությունն էլ ինձ հետ է: Մենք իրավունք չունենք մեր ժողովրդին թողնելու»,–ասաց նա: Արթուր Բաղդասրայնը միաձայն ընտրվեց  կուսակցության նախագահ: «Շնորհակալություն, Հեղինե Բիշարյանը բիշարյանական ոճով շարունակեց, շնորհակալություն, որ արագ ու միանգամից քվեարկություն կազմակերպեցիք», - ասաց Արթուր Բաղդասարյանը: