Բավարար փաստեր կան պատասխանատվության ենթարկելու Ռ. Քոչարյանին և մյուսներին

ԱԺ-ում  2008 թվականի մարտի 1-ի դեպքերի վերաբերյալ հրավիրված լսումներին ներկա էին նաև Մարտի 1-ի զոհերի հարազատները:    Մարտի 1-ի զոհերից Գոռ Քլոյանի հայրը՝ Սարգիս Քլոյանը հայտարարեց .«Մեր պահանջը բացարձակ կապ չունի քաղաքականության հետ, մեր պահանջն է՝ բացահայտել Մարտի 1-ի ոճրագործությունը:Պահանջում ենք, որ բացահայտվի՝ 2008 թվականի մարտի 1-ին ինչ է կատարվել,թե ով հրաման տվեց, և ովքեր սպանեցին մեր երեխաներին: Պատասխանատվության չեն ենթարկվել ո՛չ կատարողները, ո՛չ հրաման տվողները: Վերջերս Գևորգ Կոստանյանն ասում էր՝ վկաների կեսն արտագաղթել են, իսկ մյուս կեսը չեն հիշում Մարտի 1-ի ոճրագործությունը: Պարոն Կոստանյան, եթե անցներ մի քանի տարի, երևի Դուք էլ չէիք հիշի՝ ինչ է կատարվել 2008 թվականի Մարտի 1-ին, անցներ 10-20 տարի՝ կասեիք՝ ընդհանրապես Մարտի 1 գոյություն չի ունեցել»: «2008 թվականի մայիսի 4-ին ձեր նախագահ Սերժ Սարգսյանն իր զեկույցում ասել էր, որ հարյուրավոր տեսախցիկներ են եղել, այն էլ՝ պրոֆեսիոնալ, որոնցով կարողանում են  խոշորացնել, մոտիկացնել, և մեր իրավապահները կպարզեն  այս տեսագրությունները: Այդ բանը չի հերքել Ազգային անվտանգությունը: Դրանք փաստեր են: Դուք խոստացաք, որ սայլը տեղից կշարժվի, գծեցիք ճանապարհային քարտեզ, գործերն առանձացրեցիք, բա ի՞նչ եղավ, պարոն Կոստանյան, անցել է 10 տարի:Մոտ 500 սադրիչներ, որոնք այդ հատվածում քանդում էին միայն Ռուսաստանի տունը, որ ասեն՝ տեսեք՝ ընդդիմությունը հակառուսական է: Եկավ չարաբաստիկ ժամը 9-ը, սադրիչները երեխաներին տարան կրակի բերան, տրաքեց լուսարձակող ձայնային գրանատը: Այդ ժամանակ էր, որ Քոչարյանն ասում էր՝ ավտոբուսի հետևից կրակում են ոստիկանների վրա: Սուտ, բացարձակապես սուտ: 3 քաղաքացի զոհվել են «Չերեմուխա 7» տեսակից, գազային նռնակից: 4 ոստիկանի մոտ է եղել այդ «Չերեմուխա» տեսակի զենքը»,հայտարարեց նա: Մենք գիտենք նրանց անունները, և դուք բոլորդ գիտեք, որովհետև դա հրապարակվել է: ՀՔԾ-ն  միայն քննում է շարքային քաղաքացիներին: Շարքային քաղաքացիներն ի՞նչ իմանան՝ գիշերով մի քանի կիլոմետրի վրա ով՝ ում սպանեց»:   Ելույթ ունեցավ նաև Հելսինկյան քաղաքացիական ասամբլեայի վանաձորյան գրասենյակի ղեկավար Արթուր Սաքունցը «10 տարի է անցել, բայց «Մարտի 1»-ի իրավական գնահատականը մինչև այժմ տրված չէ: