Համաձայնություն`Ադրբեջանի ու Վրաստանի միջև
Վրաստանի հետ Ադրբեջանի հարաբերությունները գտնվում են ավելի բարձր մակարդակի վրա, քան ռազմավարական գործընկերությունն է:
Այս մասին հաղորդում է APA-ն, հայտարարել է Ադրբեջանի արտգործնախարար Էլմար Մամեդյարովը` Բաքվում իր վրացի գործընկեր Միխայիլ Ջանելիզեի հետ այսօր տեղի ունեցած հանդիպումից հետո, ով վրացական ԱԳՆ-ի ղեկավար նշանակվելուց հետո առաջին պաշտոնական այցն է կատարել այդ երկիր:
Մամեդյարովը լրագրողներին ասել է, որ իր վրացի պաշտոնակցի հետ քննարկել է տարածաշրջանային տնտեսական եւ քաղաքական հարցեր, այդ թվում` ղարաբաղյան հակամարտության կարգավորման գործընթացում իրավիճակը:
«Իմ գործընկերը ինձ տեղեկացրել է Հարավային Օսեթիայում եւ Աբխազիայում իրավիճակի մասին: Ադրբեջանն ու Վրաստանը համաձայն են տարածքային ամբողջականության եւ սահմանների անձեռնմխելիության սկզբունքի անխախտելիության հետ», -հայտարարել է նա:
Վրաստանի ԱԳՆ ղեկավարը Բաքվում հանդիպել է նաեւ Ադրբեջանի նախագահ Իլհամ Ալիեւի հետ: Ալիեւը հույս է հայտնել, որ Ջանելիձեի Ադրբեջան այցը լավ հնարավորություն կտա ճշգրտելու այս տարվա համար ծրագրվող միջոցառումների ծրագիրը:
Հետևեք մեզ Viber-ում
