Դավիթ Հարությունյանը բացահայտում է.ինչու պաշտոնանկ արվեց Արթուր Օսիկյանը

«Արթուր  Օսիկյանն իր աշխատած տարիների ընթացքում համակարգում բազմաթիվ նորամուծություններ է արել, ունեցել է շատ լուրջ ձեռքբերումներ, բայց, ինչպես եւ ցանկացած աշխատող մարդ, ունեցել է իր թերությունները»,- լրագրողների հետ հանդիպմանը ՀՀ արդարադատության նախարար Դավիթ Հարությունյանն այսօր լրագրողների հետ հանդիպման ժամանակ  անդրադարձավ ՀՀ ԱՆ քրեակատարողական վարչության պետ Արթուր Օսիկյանի պաշտոնանկությանը: «Օրինակներով չեմ խոսի: Չկա այդպիսի մարդ, ով անթերի աշխատի, այդ թվում` ես եւ դուք: Ընդամենը երբեմն խնդիր ես դնում` փոխել անձին, որպեսզի նորովի մոտենան հարցին: Նույնը վերաբերում է ցանկացած պաշտոնատար անձի: Անձինք պետք է պարբերաբար փոխեն իրենց աշխատավայրը: Ես համարում եմ, որ պարոն Օսիկյանը շատ մեծ աշխատանք է կատարել, բայց ժամանակն էր՝ արդեն նորովի նայել այդ համակարգին, կատարել հաջորդ քայլերն առաջ»,- ասաց Դավիթ Հարությունյանը լրագրողների այն հարցին,թե կոնկրետ ինչ թերությունների մասին է խոսքը :