Այս որոշումը լրիվ այլ մակարդակի է. Դավիթ Հարությունյան
Արդարադատության նախարար Դավիթ Հարությունյանը լրագրողների հետ զրույցում ասաց, որ Մարդու իրավունքների եվրոպական դատարան (ՄԻԵԴ) բավականին շատ հայցեր են ստացվում Հայաստանից։ «Չեմ կարող ասել, որ դա ինքնին վատ է: Մարդիկ փորձում են պաշտպանել իրենց իրավունքները: Սա խոսում է քաղաքացիների ինքնագիտակցության և դատապաշտպանության ինստիտուտի կայացման մասին: Եթե 2013 թվականին ընդունվել էր միայն 2 որոշում, ապա 2016 և 2017 թվականներին՝ 27 որոշում։ Վիճակագրությունը ևս խոսում է այն մասին, թե ինչ արագությամբ են որոշումներն ի կատար ածվում։ Որոշումները ենթադրում են գործողությունների երկու խումբ` քաղաքացիների իրավունքների վերականգնում և օրենսդրության մեջ համալիր փոփոխություններ: Այս որոշումը լրիվ այլ մակարդակի է՝ ընդհանրական միջոց է, որը ենթադրում է օրենսդրության շտկում», - ասաց նախարարը: Հարցին, թե ՄԻԵԴ դիմումների աճը խոսում է արդյոք արդարադատության վատ որակի մասին՝ նախարարը նշեց. «Այդ որակը կարող է գերազանց լինել, բայց պարտվող կողմը, որպես կանոն, դժգոհ է դատարանի որոշումից: Ուստի եզրակացություններ անել, թե դատարանը կոռումպացված է, անընդունելի է»:
Հետևեք մեզ Viber-ում
