Ինչպես են զինվորները լվանում իրենց համազգեստը
«Հայկական ժամանակ» թերթը գրում է. «Փետրվարի 17-ին Վահրամ Ավագյան օգտատերը ֆեյսբուքի իր էջում գրառում էր կատարել, որը դարձել է սոցիալական ցանցում քննարկվող թիվ մեկ թեման: Երիտասարդը նշել էր, որ փետրվարի 18-ին 25 տարեկան է դառնում և որոշել է ճոխ խնջույք անելու փոխարեն գումարն ուղղել բանակի որևէ կարիքի համար: Նա նաև հիշատակել էր բանակում լվացքի մեքենաների խնդրի մասին: Ֆեյսբուքում երիտասարդի վրա մեծ հարձակում է սկսվել, նրան ծաղրում են և ինքնափիարի համար քննադատում: «ՀԺ»-ն ՊՆ մամուլի խոսնակ Արծրուն Հովհաննիսյանից հետաքրքրվեց, թե իսկապե՞ս զորամասերում առկա է լվացքի մեքենաների խնդիր, որ այսպես մտահոգության առիթ է դարձել: Պարոն Հովհաննիսյան, զորամասերում զինվորներն իրենց հագուստն ինչպե՞ս են լվանում: Լվացքի մեքենաներ կա՞ն, թե՞ զինվորները ձեռքով են լվանում իրենց հագուստը: Լվացքի մեքենաներ կան: Բոլոր զորամասերում կա՞ն: Այո: Ընդհանրապես, լվացքատուն հասկացություն կա բոլոր զորամասերում: Իսկ տեղյա՞կ եք, որ ֆեյսբուքում հիմա քննարկվում է մի երիտասարդի գրառումը, որ նշել է, թե սահման պահող զինվորը լվացքի մեքենա չունի և ցրտին ձեռքով է լվացք անում: Ֆեյսբուքում շատ բան է քննարկվում: Հնարավոր է, որ զորամասերից մեկում լվացքի մեքենաներից մեկ-երկուսը փչացած լինի կամ մեկ այլ զորամասում համալրման կարիք լինի»: Առավել մանրամասն՝ թերթի այսօրվա համարում
Հետևեք մեզ Viber-ում
