Ալիևի հայտարարությունները կարելի է նույնիսկ արհամարհել.Գ.Իսագուլյան
« Արմեն Սարգսյանը լավագույն թեկնածուներից է, ով նորարարություններ կբերի թե հայաստանյան, թե արցախյան իրականության մեջ: Արմեն Սարգսյանը լավագույն կերպով ծանոթ է Արցախի թե ներքին, թե արտաքին խնդիրներին: Նույնը կարելի է ասել նաև Հայաստանի առումով: Արցախում եղել են «Թումո» կենտրոնում, Ստեփանակերտի թիվ 1 դպրոցում: Սա նշանակում է, որ Արմեն Սարգսյանը առաջիկայում լուրջ անելիքներ է տեսնում գիտության ու կրթության բնագավառում»,-Հայելի ակումբում հրավիրված ասուլիսում հայտարարեց «Ազգային անվտանգություն» կուսակցության նախագահ Գառնիկ Իսագուլյանը: « Ալիևի հայտարարություններին հայկական կողմը տվել է համարժեք պատասխան: Դրանք կարելի է նույնիսկ արհամարհել: Թեպետ Ալիևը հիվանդ է, խելագար է, այնուամենայնիվ Ադրբեջանի նախագահն է, և նրա հետ ուզած-չուզած պետք է բանակցությունները շարունակել: Ինչ վերաբերում է Ադրբեջանում ընտրությունները հետաձգելուն, ապա աշնանն այլ պետություններում ընտրություններ չէին սպասվում, ուստի ողջ աշխարհի ուշադրությունը կբևեռվեր Ադրբեջանի վրա: Իսկ գարնանը ընտրություններ են սպասվում, օրինակ, Ռուսաստանում և Հայաստանում»,-ասաց նա: Գառնիկ Իսագուլյանը ճիշտ է համարում պատերազմին միշտ պատրաստ լինելը, իսկ Արցախի՝ բանակցություններին չմասնակցելը՝ դրական:
Հետևեք մեզ Viber-ում
