«Պահանջում ենք օրենքի անսխալ կատարում». բաց նամակ Դավիթ Հարությունյանին

Բաց նամակ Արսեն Արծրունու հարազատներից ՀՀ Արդարադատության նախարար Դավիթ Հարությունյանին «Պահանջում ենք օրենքի անսխալ կատարում»

Երեւան, 18 Փետրվարի 2018թ.

1994 թվականից ի վեր իր պատիժը կրող Արսեն Արծրունին ավելի քան 23 տարի բանտում դրսևորել է պատշաճ վարքագիծ, և վաղաժամկետ պայմանական ազատման իրավունքի համաձայն, 2013 թվականից կարող էր ազատ արձակվել: Սակայն դատարանը անտեսելով այս փաստը, առանց հիմնավորումների մերժել է նրան ազատ արձակել: Գործը բողոքարկվել է, այն հիմա վերաքննիչ դատարանում է:

Առաջին ատյանի դատարանը հաշվի չի արել Արսենի քսաներեքամյա բանտային կենսագրության գծերը, արհամարհելով Արսենի ոււղված լինելու փաստը, որը դատարանում հիմնավոր կերպով ներկայացվել է Արսենի փաստաբանների կողմից առաջ քաշված առնվազն 12 չգրանցված խրախուսանքներով:

Սակայն ահա, 2017 թվականից Արսեն Արծրունին սկսել է տառապել տիֆուզ բազմահանգուցաւոր խպիպ II աստիճան հիւանդութեամբ, որը կարող է լինել կամ կարճ ժամկետում վերածվել չարորակ ուռուցքի: Այսինքն հիվանդությունը հիմա սպառնում է նրա կյանքին:

Օրեցօր Արսենի խնդիրը հայտնվում է համայն հայության եւ մարդու իրավունքների պաշտպան միջազգային կազմակերպությունների ուշադրության կենտրոնում, եւ գործադրվող իրավական սխալներն ու ամոթալի բացթողումները հատել են թույլատրելիի եւ օրենքների ու կաննոների կամայական օգտագործման բոլոր սահմանները:

Հարգելի պարոն Դավիթ Հարությունյան, դուք 2017 թ. Մայիս ամսից ղեկավարում եք Հայաստանի Հանրապետության արդարադատության նախարարությունը, որը գործադիր իշխանության մարմին է, եւ իրավունքի բնագավառում իրականացնում է ՀՀ կառավարության քաղաքականությունը:

Այսպեսով, դուք կրում եք անթույլատրելի սխալի հետեւանքների ողջ պատասխանատվությունը եւ այն սրբագրելու անմիջական պարտավորությունը ընկնում է ձեր ուսերին:

Արդ, ձեզանից պահանջում ենք ՀՀ օրենքի տարրի անսխալ կատարում, որպեսզի Արսենը արտասահմանում ստանա կյանքին սպառնացող հիվանդության համապատասխան բժշկական օգնություն: