Ես մտա «Ելք», որ այդ հաջողությունից ինձ վրա էլ գա. Արամ Սարգսյան

«Լուսավոր Հայաստան» կուսակցության նախագահ Էդմոն Մարուքյանը հաջողակ մարդ է, ու ես որոշեցի «Ելք» դաշինք մտնել, որ այդ հաջողությունից ինձ վրա էլ գա, որովհետև հերիք է՝ փորձեմ-փորձեմ ու չստացվի: Այս մասին, այսօր՝ փետրվարի 17-ին, . «Լուսավոր Հայաստան» կուսակցության երկրորդ համագումարին հայտարարեց «Հանրապետություն» կուսակցության նախագահ, «Ելք» խմբակցության պատգամավոր Արամ Զ. Սարգսյանը: Նրա կարծիքով՝ Մարուքյանն անցել է երկար ու բարդ ճանապարհ և հասել է հաջողությունների։ Նրա խոսքով, դաշինքի երեք անդամ կուսակցությունները ոչ միայն անուններով, այլ գործելաոճով ու պահվածքով իրար փոխլրացնում են. «Տաքարյուն, զուսպ, իրավաբան, տարեց, փորձառու, երիտասարդ... Դուք իմ ընկերներն եք, ես շատ ժամանակ եմ անցկացնում ձեզ հետ, շատ բանավիճում եմ ու շատ ժամանակ իմ տեսակետները չեն անցնում, բայց ես ձեր հետ բանավեճից շատ լուրջ օգուտներ եմ ստանում։ Ես լավ ընկերներ ունեմ այստեղ, որոնց հետ չհամաձայնել չեմ կարող։ Շատ-շատ լավ է, որ ցանկացած խնդրում, ինչ ես միանգամից առաջարկում եմ Էդմոնն ասում է «մի րոպե սպասեք, նախկինում արել եք, բան դուրս չի եկել, սպասեք»: Եվ դա լավ է, հակառակ դեպքում շատ կոպիտ սխալներ արած կլինեինք»,-ասաց նա: Նրա խոսքով՝ նոր կառավարման համակարգին անցման պարագայում իրավիճակը փոխվել է և որևէ մեկը չի կարող ասել՝ ինչ է սպասվում, ինչ պայմաններում ժողովուրդը փողոց դուրս կգա։