Առաքել Մովսիսյանը զանգահարել և հայհոյել է Ալեն Սիմոնյանին

ՀՀԿ-ական նախկին պատգամավոր Առաքել Մովսիսյանը (Շմայս) զանգել ու սպառնացել է Ելք դաշինքի անդամներին: Այս մասին այսօր ԱԺ արտահերթ նիստում հայտարարել է Ելք խմբակցության ղեկավար Նիկոլ Փաշինյանը:«ՀՀԿ խորհրդի անդամ, նախկին պատգամավոր Առաքել Մովսիսյանը, ով հայտի է Շմայս անունով, զանգել է Երևանի ավագանու Ելք խմբակցության անդամ Ալեն Սիմոնյանին և նրա հասցեին սպառնալիքներ, ֆիզիկական հաշվեհարդարի սպառնալիքներ հնչեցրել: Սա արդեն որերորդ դեպքն է: Հարցը հետևյալն է՝ ՀՀԿ ներկայացուցիչները որոշել են մեզ քուչի կռվի մեջ ներքաշե՞լ: Այս հարցը պետք է հստակ պատասխան ստանա: Եթե մեր քաղաքակիթ դեմքին ու փոխկապներին եք խաբնվում, ուրեմն իմացեք, որ ցանկացած մարտարավեր կընդունենք»,- ասաց Փաշինյանը: Շմայս՝ նախ հետաքրքրվել է՝ ինչու է Ալեն Սիմոնյանն իր մասին խոսում, (ելույթում հիշատակում), ապա վիրավորել և պատասխան ստանալուց հետո՝ հայհոյանքներ տեղացել: «Ասաց՝ Շմայսն ա… առաջին իսկ բառից պարզ էր, որ ինչ-որ շատ վատ տրամադրված մարդ է զանգել: Ես չգիտեի՝ ով է, իր համարը չունեմ: Զանգեց՝ բա, արա Ալե՛ն, դու ես, ասացի՝ արան դու ես, ո՞վ ա, ո՞ւմ հետ եմ խոսում: Մարդ ես՝ միգուցե ինչ-որ հին ընկեր լիներ, որ հարյուր տարի չեմ խոսել, որոշել էր տենց տխմար կատակ անել: Բա լսի, ա՛յ համբալ, ի՞նչ գործ ունես իմ հետ, ես էլ ասացի՝ համբալը դու ես, ինչու՞ ես ինձ զանգել: Ասաց՝ դու ինձ ճանաչո՞ւմ ես, ասացի՝ չէ, բայց կարող եմ ճանաչել, եթե դրա կարիքը կա: Բա՝ իմ մասին ինչի՞ ես խոսում, ասացի՝ հանրային մարդ ես, ես հանրային մարդ եմ, պետք է խոսեմ: Մեկ էլ սենց արեց՝ բա սրանից հետո... ես ընդհատեցի՝ դու ինձ չզանգես. այդտեղ սկսեց հայհոյանքներ հնչեցնել: Համարժեք պատասխանը ստացավ»,- պատմել է Ալեն Սիմոնյանը: Ինչպես Փաշինյանն է նշում՝ սպառնալիքը կապված է եղել Երևանի ավագանու նիստում տեղի ունեցած միջադեպի ու դրա կապակցությամբ Ալեն Սիմոնյանի ելույթի հետ: