«Ես այդտեղ հայ կնոջ կերպարանք չտեսա: Այդտեղ միտում կար». Վահրամ Բաղդասարյան
ԱԺ Հայաստանի «Հանրապետական» խմբակցության ղեկավար Վահրամ Բաղդասարյանը լրագրողների հետ զրույցում ասաց, որ Երևանի ավագանու նիստի ընթացքում «Երկիր Ծիրանի» խմբակցության անդամների գործողություններն ակցիա չէր, այլ լկտիության նման մի բան: «Դրանից մեկ օր առաջ համապատասխան բնակիչների խնդրանքով այնտեղ են եղել քաղաքապետարանի աշխատակիցները, համապատասխան գաղութների վարչության ներկայացուցիչները, սանէպիդկայանի ներկայացուցիչները, և, իրոք, վիճակը տեսել են: Բնակչությանը խնդրել են մեկ շաբաթ ժամանակ և անմիջապես տեխնիկան տեղափոխել են աշխատանքի: Բնակիչները հավատացել են, որից այդ, ձեր ասած, ակցիայի հեղինակները հանդիպել են նրանց հետ՝ ասել են՝ «ի՞նչ մեկ շաբաթ, ի՞նչ բան, նրանց չի կարելի վստահել, մենք ակցիա ենք կատարելու, միացեք մեզ», որին բնակիչները որևէ արձագանք չեն տվել: Գուցե բնակիչների մեջ նրանք ունեցել են իրենց ներկայացուցչին: Համենայն դեպս, դա ակցիա չէ, դա միտում է, որպեսզի կարողանան ուշադրության կենտրոնում մնան, նրանք այլ ելք չունեին: Ասում եք՝ կնոջ նկատմամբ, ես այդտեղ հայ կնոջ կերպարանք չտեսա: Այդտեղ միտում կար՝ խանգարելու ավագանու բնականոն աշխատանքը»:
Հետևեք մեզ Viber-ում
