Արցախում իրավիճակը պայթյունավտանգ է. Շավարշ Քոչարյան
Այն հանգամանքը, որ պայթյունավտանգ է իրավիճակը, բոլորի համար ակնհայտ է, դրա վկայությունը 2016 թվականի ապրիլյան դեպքերն են, կառավարության նիստից հետո ասաց ՀՀ արտաքին գործերի նախարարի տեղակալ Շավարշ Քոչարյանը՝ անդրադառնալով ԱՄՆ հետախուզական ծառայությունների հրապարակած զեկույցին, ըստ որի՝ Լեռնային Ղարաբաղի շուրջ լարվածությունը կարող է վերածվել ռազմական լայնածավալ գրծողությունների: Շավարշ Քոչարյանի խոսքով, հայկական կողմերը միշտ պատրաստ են ցանկացած զարգացումների: «Ինչ վերաբերվում է պատրաստ լինելուն, ապա ինչի՞ մասին է խոսքը: Բավական է հիշատակել Ադրբեջանի նախագահի վերջին ելույթը, որը միանշանակ ցույց է տալիս՝ ով ինչի է պատարստ, ով պատրաստ չէ բանակցային գործընթացում առաջ գնալուն»,- ասաց Շարվարշ Քոչարյանը:
«Համենայնդեպս, մի բան կարող եմ ասել, որ իր այդպիսի ելույթով Ադրբեջանի նախագահը, նրանց համար, ովքեր դա չեն նկատել, փայլուն ձևով անհերքելի ապացուցեց, որ երբևիցե չի կարող Ղարաբաղը լինել Ադրբեջանի կազմում և որ Արցախի Հանրապետության միջազգային ճանաչումը անխուսափելի է», - ասաց նա:
Ինչ վերաբերում է կարծիքներին, որ Հայաստանում խորհրդարանական համակարգն է նպաստելու, որ Ադրբեջանը գնա կոշտ միջոցների, այն առումով, որ հայտնի չէ, թե խաղաղ ժամանակ ով է լինելու բանակի գերագույն հրամանատարը, ինչը խառնաշփոթ է ստեղծելու, փոխարտգործնախարարը կոչ արեց համակարգի հետ չկապել:
Հետևեք մեզ Viber-ում
