Թե՞ մենք հաճույք ենք ստանում.վարչապետ
«Հայաստանի թվային փոխակերպման ներկայիս միջազգային ցուցանիշները բավարար չեն, ինչը հատկապես պայանավորված է անհրաժեշտ ամբողջական վիճակարգական տվյալների և մշտադիտարկման գործիքակազմի բացակայությամբ: Զուգահեռաբար, հարկավոր է նաև ընդլայնել անձանց մատուցվող պետական ծառայությունները թվային գործիքներով տրամադրելու շրջանակը, դրանց միջոցով պարզեցնել վարչարարությունը, նվազեցնել ժամկետները և հնարավոր կոռուպցիոն ռիսկերը», - Կառավարության այսօրվա նիստում վարչապետ Կարեն Կարապետյանն անդրադարձավ թվայնացման ոլորտում միջազգային վարկանիշներին և գործողություններին: Վարչապետը հանրապետական գործադիր մարմինների ղեկավարներին և «Թվային Հայաստան» հիմնադրամի գործադիր տնօրենին հանձնարարեց երկուամսյա ժամկետում գույքագրել և մշակել կոնկրետ գործողություններ՝ ուղղված միջազգային թվային վարկանիշներում հայաստանյան ցուցանիշի բարելավման և առաջընթացի ապահովման առաջակություն, մեկամսյա ընթացքում ամփոփել և արձանագրել առաջիկայում թվայնացման ենթակա առաջնահերթ պետական ծառայությունների շրջանակը և դրանք ներկայացնել կառավարության աշխատակազմ: Տնտեսական զարգացման եւ ներդրումների նախարարի տեղակալ Տիգրան Խաչատրյանը ներկայացրեց «Վանսեւան» ընկերությանը հարկային արտոնություն տալու մասին որոշման նախագիծը,ըստ որի 3 տարով կհետաձգվի ավելացված արժեքի հարկի գանձումը: Վարչապետ Կարեն Կարապետյանը նշեց, որ հունվարից ներմուծման դեպքում բոլոր ընկերություններին ազատում են ԱԱՀ-ից: Կոնկրետ այս դեպքի համար որոշակի տարբերություն կա,պարզաբանեց փոխնախարարը: Վարչապեն առաջարկեց այդ տարբերությունն էլ ներառել արտոնությունների կրիտերիաների մեջ: «Թե՞ մենք հաճույք ենք ստանում, որ դա ֆիքսենք»,- կատակեց վարչապետը՝ նկատի ունեալով այն, որ ամեն անգամ կառավարության նիստում արտոնություն տալու մասին է հայտարարվում:
Հետևեք մեզ Viber-ում
