«Կեղտաջուրը նվեր էին Տարոն Մարգարյանին». Զարուհի Փոստանջյան
«Ավագանու նիստին կոյուղաջրերով լի տարաներ բերելով՝ փորձել էին քաղաքային իշխանությունների ուշադրությունը հրավիրել կարևոր խնդրի վրա: Մենք ուզում էինք սթափեցնել ավագանու անդամներին ու քաղաքի իշխանություններին, որ տարիներ շարունակ Երևանի տարբեր թաղամասերում, մասնավորապես Նուբարաշեն վարչական շրջանում կոյուղաջրերը լցվում են քաղաքացիների բնակարանների տարածք: Մարդիկ թունավորվում են այդ հոտերից»,-լրագրողների հետ զրույցում ասաց Երևանի ավագանու «Երկիր ծիրանի» խմբակցության ղեկավար Զարուհի Փոստանջյանը: Հարցին, թե պատրաստվում էին այդ կոյուղաջրերը լցնել Տարոն Մարգարյանի վրա՞, Զարուհի Փոստանջյանը պատասխանեց. «Մենք ուզում էինք, որ այդ հոտը զգան: Երեկ մեզ դա տրամադրել են ՀՀ քաղաքացիները՝ որպես նվեր Տարոն Մարգարյանին:մենք հենց այդ խնդիրն ենք բարձրացրել, որ հինգ շենքերի բնակիչներ այդ հոտն են շնչում ամեն օր: Նաև Նուբարաշեն քրեակատարողական հիմարկում գտնվողներն են այդ հոտը շնչում: Դա վնասակար է նյութ է, միայն այդ հոտից մարդ կարող է ործկալ»,ասաց Փոստանջյանը: Զարուհի Փոստանջյանը նաև ասաց, որ դեպքից հետո Երևանի քաղաքապետարան եկած բժիշկները հոգեբուժարանի աշխատողներ են եղել: «Ասացին, որ փակ համարից զանգ են ստացել ու եկել են: Մենք ասացինք, որ բժշկի կարիք չունենք»,- հավելեց նա:
Հետևեք մեզ Viber-ում
