«Ոչ թե դպրոց, այլ Камера хранения». Սերոբ Խաչատրյան (video)
Կրթության փորձագետ Սերոբ Խաչատրյանը վստահ է, որ Հայաստանի թիվ մեկ խնդիրը ո՛չ արտագաղթն է, ո՛չ դրսից փող բերող մարդկանց Հայաստան բերելը, այլ՝ երկրի մարդկային կապիտալը նորմալ զարգացնելն ու այդ կապիտալի արդար կառավարումը: Փորձագետի կարծիքով Հայաստանում կրթության ոլորտի հիմնական խնդիրը փակ և բաց մտածողության պայքարն է. «Մարդիկ վախենում են կարծիք հայտնել, քանի որ դրա համար հետո իրենցից հաշիվ են պահանջում: Մասնավորապես՝ Հայաստանի պետական հիմնարկներում կարծիք արտահայտելու դեպքում կանչում ու պարզում են՝ ո՞վ է սեփական կարծիք արտահայտելու իրավունք տվել»: Բանախոսը մտահոգությամբ մատնանշեց, որ այս ամենի վառ օրինակը փակ համակարգն է, որտեղ նորմալ երեխային հատուկ դպրոց են տանում , բազմաթիվ գյուղերում ու անապահով ընտանիքներում ապրող երեխաներին որակյալ կրթությունով չեն ապահովում: «Մարդիկ կան, որ դպրոցը դիտում են Камера хранения, որտեղ պետք է երեխաներին պահեն ու միլիոնանոց երեխաներ շատ ունենան»,- եզրափակեց բանախոսը:
Հետևեք մեզ Viber-ում
