«Սասնա ծռերի» նիստն՝ առանց ամբաստանյալների ու պաշտպանների
Երեւան քաղաքի ընդհանուր իրավասության դատարանի Ավան եւ Նոր Նորք վարչական շրջանի նստավայրում այսօր` փետրվարի 13-ին, «Սասնա ծռեր» խմբի գործով նիստին փաստաբանները գործադուլ են անում եւ չեն մասնակցում նիստին: Խմբի անդամները հայտարարեցին, որ չեն ցանկանում ներկա գտնվել նիստին, եթե իրենց պաշտպանները նիստերի դահլիճում չեն: Սակայն, նախագահող դատավոր Արթուր Օհանյանը թույլ չտվեց նրանց լքել դահլիճը: Այնուամենայնիվ նրան լքեցին դահլիճը: Նախագահող դատավորը բոլոր 10 ամբաստանյալների նկատմամբ դատական սանկցիա կիրառեց` 10 ժամով հեռացնելով նիստերի դահլիճից: Այնուամենայնիվ, դատարանը պաշտպանների եւ ամբաստանյալների բացակայությամբ որոշեց շարունակել դատական նիստը:
Հետևեք մեզ Viber-ում
