«Երևանի թիվ 6 հատուկ դպրոցում խնդիր չունեցող երեխաներին պատանդ են պահում». Անահիտ Բախշյան (video)
«Երևանում գործում է երեք հատուկ դպրոց. թիվ 2 մտավոր թերզարգացում ունեցող երեխաների, թիվ 6 մտավոր թերզարգացում ունեցող երեխաների և թիվ 8 լսողության խնդիրներ ունեցող երեխաների դպրոցներ: Թիվ 6 մտավոր թերզարգացում ունեցող դպրոցի երեխաների մեծ մասը չունեն որևէ խնդիր, այլ կերպ ասած՝ նրանք այդ դպրոցում պատանդ են»,- այսօր Հայելի ակումբում իր մտահոգությունն արտահայտեց Անահիտ Բախշյանը: Պարզաբանելով՝ իրականում ի՞նչ է կատարվում, Անահիտ Բախշյանն ասաց, որ ծնողները իրենց սոցիալական խնդիրներից ելնելով, երեխաներին տանում են հատուկ դպրոց, առանց անհանգստանալու, որ իրենց երեխայի վկայականում հետագայում դրվելու է մտավոր թերզարգացում ունեցող դպրոցի կնիք: Անահիտ Բախշյանը նշեց, որ հանդիպել է դպրոցի տնօրենի հետ, պարզել՝ ի՞նչ հիմքով են առողջ երեխաներին պահում այդ դպրոցում, և ստացել հետևյալ պատասխանը. «Տնօրենը զարմանում է, ասելով՝ դպրոցը տաք է, ուտելիքը կա, գիտե՞ք՝ ինչ պայմաններ ենք ստեղծել երեխաների համար: Բայց, չէ՞ որ դպրոցը կրթօջախ է, որտեղ պետք է կրթություն կազմակերպել»: Անահիտ Բախշյանը հավելեց, որ այս խնդրի մասին տեղեկացրել է Մարդու իրավունքների պաշտպանին, և վերջինս վստահեցրել է, որ շուտով մոնիտորինգ են անցկացնելու բոլոր վերոնշյալ դպրոցներում: Առավել մանրամասն տեսանյութում.
Հետևեք մեզ Viber-ում
