Բարի և ուրախալի լուր. Երևանում լույս աշխարհ է եկել եռյակ՝ 3 արու զավակ. ընտանիքը օգնության կարիք ունի
Օրեր առաջ ՝ փետրվարի 7-ին, «Արմենիա» բժշկական կենտրոնի ծննադատանը բնական ճանապարհով լույս աշխարհ է եկել եռյակ: Երեխաների ծնողները Լոռու մարզի Աքորի գյուղից են: Մայրը 34-ամյա Կարինե Սուիքասյանն է, հայրը՝ 46-ամյա Հրայր Թամազյանը, ով 3-րդ կարգի հաշմանդամ է: Թամազյանների ընտանիքը սոցիալապես անապահովի կարգավիճակ ունի: Տանը մշտական աշխատանք ունեցող անձ չկա: SHAMSHYAN.com-ի թղթակցի հետ զրույցում Կ. Սուքիասյանը ասաց, որ ամուսնությունից 8 տարի է անցել և վերջապես իրենց էլ ժպտաց երջանկությունը: Վերջինս հայտնեց նաև, որ հղիության առաջին ամիսներից իմացել է, որ եռյակ է ունենալու: Երեխաները ծնվել են վաղաժամ, անհաս և այժմ գտնվում են իտենսիվ թերապիայի բաժանմունքում: Որոշել են անունները դնել Սենիկ, Արսեն և Ալեն: Երեք ապագա հայ զինվորների մայրը խորհին շնորհակալություն հայտնեց իր բժիշկներից՝ Գոհար Ռազմիկովնայից և Աղասի Շարբաթյանից՝ իր հանդեպ ցուցաբերած սրտացավ վերաբերմունքի և պրոֆեսիոնալ աշխատանքի համար: Մայրը խնդրեց բարերար մարդկանց՝ ով ինչով կարող է օգնության ձեռք մեկնեն իրենց, որպեսզի հոգան հիվանդանոցային և հետագա ծախսերը: Կարինեի հեռախոսահամարը՝ 093-95-96-33:
Հետևեք մեզ Viber-ում
