«Պոլսո հայ համայնք.աթեշյանականներն ընդդեմ հակաաթեշյանականների». Տիրան Լոքմագյոզյան (video)

Պոլսո պատրիարքարանի հոգևոր խորհրդի արտահերթ ժողովի ընթացքում որոշվել է, որ Արամ արքեպիսկոպոս Աթեշյանը կշարունակի մնալ Պոլսո Հայոց պատրիարքի փոխանորդի պաշտոնում: Նման որոշման կրոնական ժողովը հանգել է Ստամբուլի նահանգապետարանում Թուրքիայի ներքին գործերի նախարար Սուլեյման Սոյլուի և պատրիարքի ընտրությունների կազմակերպմամբ զբաղվող նախաձեռնող խմբի անդամների ու հայ համայնքի հիմնադրամների ղեկավարների մասնակցությամբ արտահերթ ժողովից հետո: Այսօր Հայելի ակումբում հրավիրված ասուլիսի ընթացքում, թեմային անդրադառնալով, թուրքագետ Տիրան Լոքմագյոզյանը ասաց, որ Պոլսո հայ համայնքի միայն փոքր հատվածն է խոսում Աթեշյանի դեմ, անգամ մի մասն էլ գոհունակությամբ ընդունեց պետության կողմից Աթեշյանի նշանակումը, միայն թե ամեն ինչ խաղաղ լինի. «Դժբախտաբար այնպես չէ, որ Պոլսո հայ ամբողջ համայնք է Աթեշյանին դեմ: Միայն փոքր հատվածն է համարձակվում իր կարծիքը բարձրաձայնել, մնացածը կողմ են ստատուս-քվոյի պահպանմանը» : Թուրքագետը նշեց, որ Պոլսո համայնքը վերջին 9 տարում լավ վիճակում չէ և օր-օրի վիճակն ավելի է բարդանում. «Համայնքն այսօր պառակտված է: Եթե մի ժամանակ կաթողիկոսների մոտ կար հասունյան-հակահասունյան, այսօր էլ համայնքը կանգնած է. աթեշյանական-հակաթեշյանական խնդրի առաջ»: Մանրամասները տեսանյութում.