Կործանված օդանավի աղետի պատճառը հայտնի է

Մերձմոսկովյան Ռամենսկոյե շրջանում կործանված ԱՆ -148 ուղեւորատար ինքնաթիռի երկրորդ «սեւ արկղը» հայտնաբերվել է  և ճշտվում է դրա վիճակը: ՌԴ արտակարգ իրավիճակների նախարարությունը ավելի վաղ հայտնել էր,որ հայտնաբերվել էր առաջին «սեւ արկղը»: Լրատվամիջոցներում  հակասական տվյալներ են հայտնվել ավիակարգավարների՝ կործանված ինքնաթիռի օդաչուների հետ բանակցությունների մասին: Ան-148-ի օդաչուները կարգավարներին տեղեկացրել են անսարքության մասին,հայտնում է Gazeta.ru-ն և փոխանցում,որ  նրանք պետք է արտակարգ վայրէջք կատարեին Ժուկովսկու օդանավակայանում: Mash տելեգրամ ալիքը հաղորդել է, որ քննիչները հարցաքննել են «Դոմոդեդովո» օդանավակայանի ավիակարգավարին եւ պատմել, որ ինքնաթիռը բարեհաջող թռիչք է կատարել, սակայն 70-րդ էշելոնի մոտ հանկարծ սկսել է ցած իջնել: Օդանավը կապի այլևս դուրս չի եկել, օդաչուներն այլևս չեն պատասխանել կարգավարներին: