Հավանաբար, մրսե՞լ եք.Հրվ. Կորեայի նախագահը՝Կիմ Չեն Ընի քրոջը
The Guardian-ի փոխանցմամբ, ձմեռային օլիմպիական խաղերի կապակցությամբ Հարավային Կորեա ժամանած Հյուսիսային Կորեայի ղեկավար Կիմ Չեն Ընի քույրը պատմական հանդիպում է ունեցել երկրի նախագահ Մուն Չժե Ինի հետ, որը վերջին 10 տարվա ընթացքում սա Սեուլի և Փհենյանի միջև բարձրագույն մակարդակով առաջին հանդիպումն էր: Քրոջ՝ Կիմ Յո Չոնի, մյուս հյուսիսկորեացի պաշտոնյաների ու Հարավային Կորեայի նախագահի հանդիպումը կայացել է Սեուլի նախագահական պալատում: Հատկանշական է, որ Կիմ Չեն Ընի քույրը 1950-1953թթ. Կորեական պատերազմի ավարտից հետո Փհենյանում իշխող տոհմի առաջին ներկայացուցիչն է, որ այցելել է հարևան երկիր: Հանդիպումն անցել է ջերմ մթնոլորտում: «Հավանաբար, մրսե՞լ եք ցուրտ եղանակի պատճառով»,-հարցրել է Հարավային Կորեայի նախագահը, ինչին ի պատասխան Կիմ Յո Չոնն ասել է՝ «Ամեն ինչ լավ է, պարո՛ն նախագահ, քանի որ Դուք ամեն ինչի մասին նախապես հոգացել էիք»:
Հետևեք մեզ Viber-ում
