Աննախադեպ.Կիմ Չեն Ընը Հրվ. Կորեայի նախագահին հրավիրել է Փհենյան

Ձմեռային օլիմպիական խաղերի առթիվ Հրվ. Կորեա այցելած Կիմ Չեն Ընի քույրը՝ Կիմ Յո Չժոնը փոխանցել  է եղբոր հրավերը:Այս մասին հայտնում է  bbc.com-ը։Բանն այն է,որ Հյուսիսային Կորեայի առաջնորդ Կիմ Չեն Ընն առաջարկել է Հարավային Կորեայի նախագահ Մուն Չժե Ինին մոտ ապագայում այցելել Փհենյան։ Կիմ Յո Չժոնը Հարավային Կորեայի նախագահի հետ հանդիպել է Հյուսիսային Կորեայից ժամանած բարձր մակարդակի պատվիրակության կազմում։ Հանդիպումը տեղի է ունեցել նախագահական պալատում, որը հայտնի է «Երկնագույն տուն» անունով։ Հատկանշական է, որ Կիմ Չեն Ընի քույրը 1950-1953թթ. Կորեական պատերազմի ավարտից հետո Փհենյանում իշխող տոհմի առաջին ներկայացուցիչն է, որ այցելել է հարևան երկիր: Իպատասխան հրավերի, Մուն Չժե Ինը հայտնել է, որ կարող է Հյուսիսային Կորեա այցելել այն դեպքում, եթե դրա համար «պայմաններ ստեղծվեն»։ «Եկեք հասնենք դրան՝ ապագայում ստեղծելով անհրաժեշտ պայմանները»,- ասել է հարավկորեացի նախագահը։