Այս օրենքի նախագծով իմաստազրկվում է այդ ինստիտուտը. «Ելք»-ը դեմ է քվեարկելու
Հայաստանի Ազգային ժողովն այսօր՝ փետրվարի 9-ին, 67 կողմ, դեմ 18, ձեռնպահ 5 ձայներով առաջին ընթերցմամբ ընդունեց «Ներման մասին» օրենքի նախագիծը: Համաձայն «Ներման մասին» օրենքի՝ վարչապետը Հանրապետության նախագահին ներկայացնում է ներման խնդրագիր՝ ներկայացրած անձին ներում շնորհելու կամ ներման շնորհումը մերժելու մասին առաջարկություն: Նախագահը եռօրյա ժամկետում կարող է ստորագրել համապատասխան հրամանագիր կամ առարկություններով վերադարձնել վարչապետին: Այս պարագայում վարչապետը կա՛մ ընդունում է առարկությունները, խմբագրում է նախագիծը, կա՛մ չի ընդունում՝ կրկին ներկայացնելով նախագահին: Նախագահը կամ պետք է ստորագրի, կամ դիմի ՍԴ: Նախքան քվեարկությունը «Ծառուկյան» խմբակցության քարտողար Վահե Էնֆիաջյանը հայտարարեց, որ «Ծառուկյան» խմբակցությունը որոշել է, որ ազատ է քվեարկելու: «Ելք» խմբակցության պատգամավոր Արտակ Զեյնալյանն էլ նշեց, որ թեև Սահմանադրությամբ ներում շնորհելու իրավունքը տրված է նախագահին, բայց այս օրենքի նախագծով իմաստազրկվում է այդ ինստիտուտը և ձևական բնույթ են կրում նախագահի լիազորությունները, հետևաբար «Ելք»-ը դեմ է քվեարկելու նախագծին:
Հետևեք մեզ Viber-ում
