Մանիպուլյացիաներ, խաղարկումներ անելը ճիշտ չէ. Վարդան Արամյան
Լրագրողների հետ զրույցում ՀՀ ֆինանսների նախարար Վարդան Արամյանը նշեց, որ ՀՀ «Հարկային օրենսգիրքը» քննարկելիս կառավարությունը հաշվի է առել ակցիզային հարկի դրույքի բարձրացման ազդեցությունը գների վրա և դա գնահատված է 0.5 տոկոսյաին կետով: Ինչպես ասաց՝ կա 2 ընդունված մոտեցում՝ բարձրացնել հարկատեսակները, սպառումը հարկել, իսկ սպառման հարկման լավագույն գործիքակազմը ավելացված արժեքի հարկերն են. «Եթե դուք համեմատություն կատարեք՝ ակցիզային հարկը Հայաստանում ցածրերից մեկն է տարածաշրջանում: Մենք տեսնում ենք, որ մեր ազգաբնակչության խոցելի խմբերին այդպիսի գնային տատանումներից հնարավոր է ազատել ծախսային գործիքների միջոցով, ինչը քննարկում ենք հիմա: Այստեղ հարկային գործիքով որևէ արտոնություն կամ գների վրա ազդման հետ կապված մանիպուլյացիաներ, խաղարկումներ անելը ճիշտ չէ, որովհետև հարկը ճիշտ գործիքը չէ, որպեսզի մենք կարողանանք հանրության սոցիալապես անապահով կամ խոցելի խմբերին օժանդակություն տալ»,-ասաց նա:
Հետևեք մեզ Viber-ում
