Մոսկվայում կաթվածահար վիճակ է

Яндекс  համակարգի փոխանցմամբ, Մոսկվայում մի քանի կիլոմետրանոց խցանումներ են, ճանապարհների ծանրաբեռնվածությունը հնարավոր 10 բալից գնահատվում է 8: Խցանումների նման խտացման հիմնական պատճառը չդադարող տեղումներն են: Առանց այդ էլ մոսկովյան ծանրաբեռնված տրանսպորտային ցանցն էլ ավելի է ծանրաբեռնվել շարունակվող ձյան պատճառով: Մոսկվայի իշխանությունները դիմել են բոլոր վարորդներին՝ հորդորելով հնարավորության դեպքում սահմանափակել կամ հրաժարվել սեփական մեքենաներով երթեւեկելուց: Գերբեռնված գրաֆիկով է աշխատում նաեւ Մոսկվայի մետրոն: Դպրոցներում հայտարարված է հաճախելիության ազատ գրաֆիկ, հարգելի են համարվում բոլոր բացակայությունները: