Խաչատուր Սուքիասյանը կվերադառնա՞ քաղաքական դաշտ/տեսանյութ/

«Հասունությունը և տարիքը, անցած դժվար ճանապարհը ինձ հուշում են, որ ես չեմ կարողանում դեռ հստակ որոշում կայացնել և մտնել քաղաքական դաշտ: Պետք է հասկանամ` որտեղ կարող եմ հաճույք ստանալ` արտադրամասեր բացելո՞վ, թե՞քաղաքական համակարգում` մաս կազմելով կառավարման համակարգին, ու այնտեղ գործել այն ձևով ինչպես դուք եք պատկերացնում և ցանկանում »,-այս մասին այսօր՝ մարտի 5-ին, «Ռոսիա Մոլի» բացման ժամանակ լրագրողների հետ զրույցում նշել է «Ռոսիո Մոլ» առեւտրի եւ ժամանցի կենտրոնի հիմնադիր, «Սիլ գրուպի» նախագահ Խաչատուր Սուքիասյանը: Անդրադառնալով օրվա թեմային Սուքիասյանը փաստեց, որ «Ռոսիա» կինոթատրոնի տեսքը կպահպանվի, ուղղակի ավելի կմոդեռնիզացվի: « Այսօր 2016 թվականն է, աշխարհում կան նոր նյութեր, նոր գործիքներ, որոնցով հնարավոր է այսօրվա պահանջներին համապատասխան կառույց ստանալ: Մենք այդ ուղղությամբ  ենք մտածում եւ, անկախ ամեն ինչից, ես կթողնեմ այն տեսքը, որը կա: Ուղղակի առավել կմոդեռնիզացնենք, կդարձնենք այնպիսին, որ այս ժամանակին համարժեք լինի»,-նկատեց գործարարը: Հարցին, թե երբ են պատրաստվում գործարկել «Ռոսիա» կինոթատրոնը, գործարարը պատասխանեց. «Հողային աշխատանքներն արդեն սկսել են, այդտեղ բավականին ամրապնդման խնդիրներ ունենք մետրոյի հետ կապված: Պայմանագրային հարաբերությունների արդյունքում մեզ խոստացել են առաջին 4 ամսվա ընթացքում եւս 6 հազար քմ միացնել: Բայց բետոնային աշխատանքների մասին է խոսքը, պարզ է, որ ներքին հարդարման աշխատանքների հարցում տարբեր պատճառներով խնդիրներ են առաջացել»: Խաչատուր Սուքիասյանը կիսվեց իր ցանկությամբ, դա այն է, որ հայ ճարտարապետները ռիսկի գնան նորարարության առումով, շատ ամբիցիոզ ծրագրեր ներկայացնեն: «Շատ ամբիցիոզ ծրագրեր պետք է ներկայացնեն, որը ես չեմ տեսնում: Ես շատ կուզեի, որ ինչպես Hitech-ի բնագավառում ունենք բավականին զարգացած կառույցներ, որոնք աշխարհի ցանկացած երկրների համար ծրագրեր են կազմում եւ վաճառում, շատ լավ կլիներ, որ ճարտարապետությունը նույն դիրքերում լիներ, բայց ցավոք, այդ առումով սպասումները դեռ չեն արդարանում»,-ընդգծեց Խաչատուր Սուքիասյանը: Աստղիկ Ավագյան Մանրամասները` տեսանյութում: