Գաղտնիք չեն այդ դեպքերը. Արմեն Աշոտյանը հիշեց ղեկավարման տարիները
Այսօր Ազգային ժողովում ՀՀԿ-ական պատգամավոր Ամեն Աշոտյանը խոսեց «Խղճի ազատության և կրոնական կազմակերպությունների մասին» օրենքի նախագծի մասին: Նա նշեց, որ նախագիծը մշակված է, այն տրվել է Վենետիկյան հանձնաժողովի և ԵԱՀԿ ԺՄԻԳ-ի եզրակացությանը: «Օրենքում պետք է այդուհանդերձ պահպանել հոգեորսության արգելքի մասին դրույթը` պարզաբանելով, թե ինչ է համարվում հոգեորսություն, ինչպիսի դեպքում կարող ենք այն դիտարկել: Պետք է օրենքով ամրագրել և կտրականապես արգելել տոտալիտար աղանդների և դեստրուկտիվ սեկտաների ներգործությունը: Մենք պարտավոր ենք գտնել մարդու իրավունքների պաշպանության ոլորտում այդ անձանց իրավունքները»,-ասաց նա: Հաջորդ հարցը, որ նա բարձրացրեց, վերաբերում է երեխաների իրավունքների պաշտպանությանը. «Բազում են եղել դեպքերը, երբ երեխաների ծնողների կողմից այս կամ այն կրոնական հոսանքին հարելու պատճառով հարցականի տակ են դրվել երեխայի առողջության և կրթության իրավունքները: Գաղտնիք չեն այդ դեպքերը, արձանագրվել են նաև այն ժամանակ, երբ ես էի Կրթության և գիտության նախարարը, և փորձել ենք հասցեական աջակցություն ներկայացնել այդ ընտանիքներին»:
Հետևեք մեզ Viber-ում
