Բաքու գնալու հարցը փակ չէ. Սպորտի նախարար
ՀՀ սպորտի և երիտասարդության հարցերի նախարար Հրաչյա Ռոստոմյանն այսօր նշեց, որ վերջնական որոշում դեռ չկա՝ կմասնակցի՞ Հայաստանը Բաքվում կայանալիք օլիմպիական վարկանիշային մրցաշարին, թե՞ ոչ. «գնալու հարցը փակ չէ»: «Դա բավական մեծ խնդիր է, քննարկում ենք միջազգային ֆեդերացիաների հետ, գիտեք, մենք երբեք չենք խուսափել Բաքու գնալուց, բայց միջազգային ֆեդերացիայի հետ վերջնական քննարկումից հետո պարզ կդառնա՝ կմասնակցենք, թե՝ չէ», - ասաց նա: Այնուհետև անդրադառնալով սպորտային տուրիզմի զարգացմանը՝ ասաց, որ ՀՀ նախագահ Սերժ Սարգսյանի հանձնարարականի համաձայն՝ Ծաղկաձորի լեռնադահուկային կենտրոնը վերազինվել է, ինչպես նաև վերկանգնվել են սպորտային արշավները: «Կազմակերպեցինք արշավ՝ Արա լեռ, որտեղ առաջին անգամ մասնակցում էին 50 հոգի, իսկ երկրորդ անգամ` մոտ 200 հոգի», - ասաց նախարարը: Հրաչյա Ռոստոմյանի խոսքով` այս ուղղությունը շատ մեծ հետաքրքրություն է առաջացրել հատկապես Իրանի Իսլամական Հանրապետության բնակչության կողմից:
Հետևեք մեզ Viber-ում
