Այս շենքում պատգամավորը կարող է հարձակվել պատգամավորի վրա. Գեղամյան-Փաշինյան միջադեպի մասին նախագիծը մերժվեց

ԱԺ նիստում այսօր ԱԺ-ն 9 կողմ, 6 ձեռնպահ, 52 ձայներով դեմ քվեարկեց Ելքի նախագծին` ստեղծելու Էթիկայի հարցերով ժամանակավոր հանձնաժողով, որը կքններ ՀՀԿ խմբակցության պատգամավոր Արտաշես Գեղամյանի վարքագիծը, որը 2017թ. հոկտեմբերի 5-ին, ըստ Ելքի պատգամավոըների բռունցքներով ԱԺ միջանցքում հարձակվել էր Նիկոլ Փաշինյանի վրա։ «Ելքի» պատգամավոր Արտակ Զեյնալյանն ասաց, որ առաջարկվում է սահմանել, որ հանձնաժողովն ունի 11 անդամ, որոնցից 6-ը ՀՀԿ-ն է նշանակում, երեքին` «Ծառուկյան» խմբակցությունը, մեկը` ՀՅԴ-ն, մեկը՝ «Ելքը»: «Մենք, որպես քաղաքական մարմին, պետք է իրավական պաշտպանության մեխանիզմ առաջարկենք, ընդ որում, այդ մեխանիզմը պետք է լինի արդյունավետ»: Զեյնալյանը հիշեցրեց, որ ԱԺ կանոնակարգ օրենքը տվել է այդ մեխանիզմը՝ստեղծել էթիկայի ժամանակավոր հանձնաժողով: Զեյնալյանը նշեց, որ եթե իրավական նորմերը չեն գործում, մարդը իր մեթոդներով է դիմում ինքնապաշտպանության, ուստի անկախ հանձնաժողովի գործունեության արդյունքներից, պետք է հնարավորություն տրվի, որ գոնե այդ հանձնաժողովը գործի: