«Վարշավայում երեկ խայտառակ մի պատկեր եմ տեսել»․ Վարդան Հարությունյան
Իրավապաշտպան Վարդան Հարությունյանը ֆեյսբուքյան իր էջում գրել է․ «Վարշավայում երեկ խայտառակ մի պատկեր եմ տեսել։ Քաղաքի գլխավոր փողոցներից մեկով նրանց վարչապետն էր գնում։ Փողոցները փակ չէին։ Չկային գոռգոռացող ոստիկաններ։ Չկային ոստիկանների գլխապատառ սուլոցներ։ Չկային շարասյան առջևից ու հետևից սուրացող, հետիոտներին ճզմել սպառնացող ոստիկանական մեքենաներ։ Լուսացույցները միացրած մեկ(!) ոստիկանական մեքենա էր ընթանում առջևից, իսկ ողջ շարասյունը երեք(!) մեքենաներից էր բաղկացած։
Անկապ վարչապետ է, փաստորեն, էս Լեհաստանի վարչապետը։ Առանց աղմուկ-աղաղակ, առանց խուճապ սփռելու, առանց իր անցնելուց մի ահագին ժամանակ առաջ ճանապարհները փակելու, առանց փախեք, ես եմ գալիս գոռգոռալու գնում էր գլուխը կախ»։
