Բանակցություններին կմասնակցեն երկու երկրների մի քանի ներկայացուցիչներ․ Ուշակովը մանրամասներ է հայտնում
Ռուսաստանի նախագահ Վլադիմիր Պուտինի և ԱՄՆ նախագահ Դոնալդ Թրամփի երկկողմ հանդիպումը կկայանա Ասիա-խաղաղօվկիանոսյան տնտեսական համագործակցության գագաթնաժողովի լիագումար նիստից հետո։
Ինչպես հաղորդում է «Արմենպրես»-ը, վկայակոչելով «Կոմերսանտ»-ը, այս մասին լրագրողներին հայտնել է Ռուսաստանի նախագահի օգնական Յուրի Ուշակովը։ Նա հավելել է, որ բանակցություններին կմասնակցեն երկու երկրների մի քանի ներկայացուցիչներ։ Ուշակովը կոնկրետ անուն չի նշել։
Նոյեմբերի 18-ին բանակցություններ են տեղի ունեցել Վլադիմիրի Պուտինի և Չինաստանի նախագահ Սի Ծինփինի միջև։ Ուշակովը հայտնել է, որ բանակցություններն անցել են բարեկամական մթնոլորտում։ Երկու պետությունների ղեկավարները քննարկել են միջազգային հրատապ հարցեր, այդ թվում՝ Ուկրաինայի հակամարտության շուրջ բանակցությունները։
