«Դիտմա՞մբ է փակվել Մյասնիկյանի արձանի հարակից հատվածը». Արայիկ Հարությունյանի հարցը՝ քաղաքապետին

13:32 - 5/փետրվարի/2018

Երևանի ավագանու կրթության, մշակույթի և սոցիալական հարցերի մշտական հանձնաժողովի նախագահ Արայիկ Հարությունյանը 2017-ի դեկտեմբերի 28-ին գրություն է ուղարկել քաղաքապետարան, որում մտահոգություն է հայտնել, թե ինչպիսի խոչընդոտներ է ստեղծում «Վարդանյան ընտանիք» բարեգործական հիմնադրամի կողմից իրակակացվող շինաշխատանքը: Ա. Հարությունյանն իր դիմումն հասցեագրելով քաղաքապետ Տարոն Մարգարյանին՝ նշել է, որ շուտով, Մարտի 1-ին հազարավոր մարդիկ են այցելելու Մյասնիկյանի այգի, որպեսզի, ի հիշատակ «Մարտի 1-ին իշխանությունների կողմից սպանված 10 քաղաքացիների», ծաղիկներ դնեն արձանի պատվանդանին:

«Բացվելո՞ւ է արդյոք Մյասնիկյանի արձանի հարակից ցանկապատի փոքր հատվածը». Արայիկ Հարությունյան

«Ղեկավարվելով «Երևան քաղաքում տեղական ինքնակառավարման մասին» Հայաստանի Հանրապետության 2008 թվականի դեկտեմբերի 26-ի ՀՕ-5-Ն օրենքի 18-րդ հոդվածի 2-րդ և 37-րդ հոդվածի 2-րդ մասերով՝ խնդրում եմ ինձ տալ հակիրճ և հստակ պատասխան՝ բացվելո՞ւ է արդյոք Մյասնիկյանի արձանի հարակից տարածքի՝ վերակառուցման համար կառուցված ցանկապատի փոքր հատվածը միայն Մարտի 1-ին՝ այդ իրադարձությունների 10-րդ տարելիցի օրն, ինչը թույլ կտա քաղաքացիներին մոտենալ այդ վայրին, հարգել զոհերի հիշատակը: Սա ակնհայտորեն թույլ կտա նաև խուսափել «Վարդանյան ընտանիք» բարեգործական հիմնադրամի կողմից իրակակացվող այս ձեռնարկի շուրջ ավելորդ լարվածությունից»,- նշել է դիմումատուն:

Քաղաքապետարանի պատասխանը