Ինչ ունեցվածք ունի Նորք-Մարաշի ղեկավարը․ «Ժողովուրդ»

«Ժողովուրդ» օրաթերթը գրում է. ««Ժողովուրդ» օրաթերթը շարունակում է ուսումնասիրել պաշտոնյաների անցած ուղին, նրանց աշխատանքային գործունեությունն ու հայտարարագրած ունեցվածքը։ Այս անգամ մեր ուշադրության կենտրոնում Նորք-Մարաշ վարչական շրջանի ղեկավար Միքայել Օհանյանն է։ Ո՞վ է նա, ինչ ճանապարհ է անցել մինչև պաշտոնը ստանձնելը և ինչ ունեցվածք ունի։

Միքայել Օհանյանը ծնվել է 1985 թվականի դեկտեմբերի 31-ին Երևանում։ 1991-2001 թվականներին սովորել է Ա. Արմենակյանի անվան միջնակարգ դպրոցում, այնուհետև՝ 2001-2003 թվականներին, ուսումը շարունակել է «ՃՇՀԱՀ» վարժարանում։ 2003-2005 թվականներին ծառայել է ՀՀ ոստիկանության ներքին զորքերում։ Նույն ժամանակահատվածում՝ 2003-2010 թվականներին, սովորել է Երևանի պետական համալսարանի ինֆորմատիկայի և կիրառական մաթեմատիկայի ֆակուլտետում։

«Ժողովուրդ» օրաթերթը պարզեց, որ Օհանյանի աշխատանքային գործունեությունը սկսվել է պետական համակարգում։ 2011-2012 թվականներին նա աշխատել է ՀՀ աշխատանքի և սոցիալական հարցերի նախարարության «Նորք» տեղեկատվավերլուծական կենտրոնում՝ որպես ծրագրավորող։

Ավելի ուշ՝ 2017-2018 թվականներին, եղել է «Նոր կապիտալ» ՍՊԸ-ի հիմնադիր և համասեփականատեր։ 2019 թվականին եղել է «Նեսթ կապիտալ» ՍՊԸ-ի հիմնադիր տնօրենը, իսկ 2021 թվականին՝ «Բլեք սիթի» և «Գիմեքս» ՍՊԸ-ների համասեփականատեր։

2022 թվականի ապրիլին Միքայել Օհանյանը նշանակվել է Երևանի Նորք-Մարաշ վարչական շրջանի ղեկավար։ Օհանյանը ՔՊ անդամ է։

Անշարժ գույք․

«Ժողովուրդ» օրաթերթը ուսումնասիրեց նաև պաշտոնյայի 2025 թվականի տարեկան հայտարարագիրը և արձանագրեց, որ տարվա վերջի դրությամբ Միքայել Օհանյանի անունով առկա է երկու անշարժ գույք։ Երկուսի դեպքում էլ խոսքը բազմաբնակարան բնակելի շենքի մասին է, իսկ սեփականության իրավունքը բաժնային է՝ 50 տոկոս բաժնեմասով։

Առաջին անշարժ գույքը ձեռք է բերվել 2024 թվականի հոկտեմբերի 10-ին, երկրորդը՝ 2024 թվականի դեկտեմբերի 30-ին։ 2025 թվականի ընթացքում նոր անշարժ գույք ձեռք բերելու կամ օտարելու վերաբերյալ տվյալներ չկան։

Տրանսպորտային միջոց․

«Ժողովուրդ» օրաթերթը պարզեց նաև, որ Միքայել Օհանյանը հայտարարագրել է 2016 թվականի արտադրության LAND ROVER մակնիշի մարդատար ավտոմեքենա։ Այն ձեռք է բերել 2021 թվականի փետրվարի 3-ին՝ գնման եղանակով։ Ավտոմեքենայի առկայությունը նշված է ինչպես տարվա սկզբի, այնպես էլ տարվա վերջի դրությամբ։

Դրամական միջոցներ․

«Ժողովուրդ» օրաթերթը արձանագրեց, որ Օհանյանի բանկային հաշիվներում տարվա սկզբին առկա է եղել 986 հազար 69 դրամ, իսկ տարեվերջին՝ 2 միլիոն 186 հազար 69 դրամ։

Կանխիկ դրամական միջոցները տարվա սկզբին կազմել են 614 հազար 200 դրամ, իսկ տարվա վերջում՝ 410 հազար դրամ։

Այսպիսով, 2025 թվականի տարեվերջի դրությամբ պաշտոնյայի բանկային հաշիվներում և կանխիկ առկա դրամական միջոցների ընդհանուր չափը կազմել է 2 միլիոն 596 հազար 69 դրամ։

Եկամուտ․

Հայտարարագրի համաձայն՝ 2025 թվականի ընթացքում Միքայել Օհանյանը Երևանի քաղաքապետարանի աշխատակազմից՝ որպես աշխատանքի վարձատրություն և դրան հավասարեցված այլ վճարումներ, ստացել է 12 միլիոն 842 հազար 692 դրամ եկամուտ։

Վարկային պարտավորություններ․

«Ժողովուրդ» օրաթերթը ուսումնասիրեց նաև պաշտոնյայի վարկային պարտավորությունները և արձանագրեց, որ 2025 թվականի դեկտեմբերի 31-ի դրությամբ նրա ստացած վարկերի մայր գումարի մնացորդը կազմել է ընդհանուր 158 միլիոն 535 հազար 475 դրամ։

Հայտարարագրում ներկայացված է հինգ վարկային պարտավորություն՝ համապատասխանաբար 53 միլիոն 803 հազար 572 դրամ, 2 միլիոն 950 հազար դրամ, 37 միլիոն 899 հազար 169 դրամ, 32 միլիոն 115 հազար 393 դրամ և 31 միլիոն 767 հազար 341 դրամ։ Դրանցից երկուսի նպատակային նշանակությունը նշված է որպես բնակարանի ձեռքբերում, իսկ մյուսների նպատակային նշանակության վերաբերյալ տվյալները պաշտպանված են։

Այսպիսով, Նորք-Մարաշ վարչական շրջանի ղեկավար Միքայել Օհանյանի 2025 թվականի հայտարարագրի համաձայն՝ նա ունի երկու անշարժ գույք՝ յուրաքանչյուրում 50 տոկոս բաժնեմասով, 2016 թվականի արտադրության LAND ROVER ավտոմեքենա, բանկային հաշիվներում և կանխիկ՝ ընդհանուր 2 միլիոն 596 հազար 69 դրամ, իսկ վարկային պարտավորությունների ընդհանուր մնացորդը կազմում է ավելի քան 158 միլիոն դրամ»։

դիտվել է 18 անգամ
Լրահոս
Տարակուսանք՝ ՔՊ-ում․ սպասում են նրա հաջորդ քայլին Փաշինյանի կինը՝ ընդդեմ Փաշինյանի թիմի՞. Աննա Հակոբյանի հայտարարությունները խուճապ են առաջացրել «Իրավունք». Կառավարությունում կադրային ջարդ է սպասվում «Իրավունք». Սամվել Կարապետյանն ասել է՝ չշտապեն «Իրավունք». ՔՊ–ն թևերի է բաժանվել. Մի մասը Ավինյանի կողմից է, մյուս մասը՝ Աննա Հակոբյանի Ինչ ունեցվածք ունի Նորք-Մարաշի ղեկավարը․ «Ժողովուրդ» «Հետո քաչալ Պետո...». Հեռուստատեսության և ռադիոյի հանձնաժողովի մեկնաբանությունը Ամասիա Հովհաննիսյանին Քոչարյանին կալանավորելուց հետո սկսվեց ազգային արժեքների կազմաքանդումը․ Անուշ Առաքելյան «Այսպիսի գործողությունները մեծացնում են լայն հակամարտության ռիսկերը»․ Արա Պողոսյան «ԱԺ-ն ու Հանրայինը մրցում են, թե ո՞րը վիրավորանքների ավելի ցնցող տեսարաններ կներկայացնի»․ Ոսկան Սարգսյան Արցախի թեման մնում է քաղաքական օրակարգի հիմնական ուղղություններից մեկը․ Աբրահամյան Կյանքից հեռացել է ՀՀ ժողովրդական արտիստ Հակոբ Ազիզյանը Ռուբինյանն ազատել է պաշտոնից Ամեմամեծ դժբախտությունն ու անբուժելի ցավն ինքնուրույն մտածելու անկարողությունն է «Բաքուն փորձում է փոխել Հայաստանի վերաբերյալ միջազգային պատկերացումները»․ Արմեն Հովասափյան Հունգարիան դադարեցրել է Ուկրաինայի հետ երկաթուղային հաղորդակցությունը Ուժեղ պայթյուն է որոտացել իրանական Քեշմ կղզու մոտակայքում «44-օրյա պատերազմը ոչ միայն տարօրինակ էր, այլև բերովի և սարքովի»․ Աշոտյան Երբ քաղաքական գործիչը կորցնում է խոսքի կշիռը, սկսում է խոսել փողոցի բառապաշարով․ Տեր Մանուկ «Հայաստանը հետևողականորեն վերածվում է դասական բռնապետության»․ Լիլիթ Բլեյան Ավինյանի ապաշնորհ կառավարման հետևանքով Երևանը վերածվել է քաոտիկ շինհրապարակի. Դանիելյան Արմավիրի մարզում վիճաբանությունը վերածվել է դանակահարության, կա 3 վիրավոր
Ամենաընթերցվածները
Շուտով
Նոյեմբերի 18-ին՝ ժամը 11։30-ին, Հայելի ակումբի հյուրն է Արմենուհի Կյուրեղյանը Նոյեմբերի 18-ին՝ ժամը 12։00-ին, Հայելի ակումբի հյուրն է Արմենակ Դանիելյանը Նոյեմբերի 18-ին՝ ժամը 13։00-ին, Հայելի ակումբի հյուրն է Արմինե Ադիբեկյանը Նոյեմբերի 17-ին՝ ժամը 13։30-ին, Հայելի ակումբի հյուրն է Գառնիկ Դանիելյանը Նոյեմբերի 17-ին՝ ժամը 14։30-ին, Հայելի ակումբի հյուրն է Ալբերտ Բազեյանը Նոյեմբերի 17-ին՝ ժամը 12։30-ին, Հայելի ակումբի հյուրն է Երվանդ Բոզոյանը Նոյեմբերի 17-ին՝ ժամը 11։00-ին, Հայելի ակումբի հյուրն է Սուրեն Սուրենյանցը Նոյեմբերի 16-ին՝ ժամը 16։30-ին, Հայելի ակումբի հյուրն է Հայկ Նահապետյանը Նոյեմբերի 16-ին՝ ժամը 15։00-ին, Հայելի ակումբի հյուրն է Նաիրա Զոհրաբյանը Նոյեմբերի 13-ին՝ ժամը 14։00-ին, Հայելի ակումբի հյուրն է Լարիսա Ալավերդյանը
Հետևեք մեզ Viber-ում https://cutt.ly/5wn8sJBS
Hayeli.am