Ճնշում կգործադրեմ ՌԴ-ի և Չինաստանի նախագահների վրա․ Թրամփ
ԱՄՆ նախագահ Դոնալդ Թրամփը հայտարարել է, որ Ռուսաստանի և Ուկրաինայի միջև ընթացող պատերազմում ամեն ամիս տասնյակ հազարավոր մարդիկ են զոհվում, և նշել, որ մոտ է հակամարտությանը վերջ դնելուն։ Թրամփն այս մասին ասել է Ֆիլիպիններ կատարած այցի ընթացքում՝ պատասխանելով լրագրողների հարցերին։
«Ռուս-ուկրաինական պատերազմում ամեն ամիս 25 000 մարդ է զոհվում։ Կարո՞ղ եք պատկերացնել։ Անցյալ ամիս այդ թիվը 32 000 էր։ Այնուամենայնիվ, մենք մոտենում ենք դրան վերջ դնելուն», – նշել է Թրամփը։
Թրամփը նաև պատասխանել է լրագրողների այն հարցին, թե արդյոք նա առանձին՝ երկկողմ հանդիպում կունենա Պուտինի հետ
«Եթե հնարավորություն ընձեռվի, ես դա կանեմ», – հայտարարել է ԱՄՆ նախագահը։
Միաժամանակ նա նշել է, որ ճնշում կգործադրի Սի Ծինփինի և Պուտինի վրա՝ Ուկրաինայում պատերազմին վերջ դնելու նպատակով։
Թրամփն անդրադարձել է նաև Իրանի հարցին։
«Մենք շատ լրջորեն ենք մոտենում իրանական հարցին. նրանք չեն կարողանա միջուկային զենք ձեռք բերել», – հավելել է ԱՄՆ նախագահը։
