«Հույսը դրել են Թուրքիայի կառավարության կողմից սուբսիդավորվող բեռնատար ինքնաթիռների վրա». Պեդրո Զարոկյան
Երևանի ավագանու ընդդիմադիր անդամ Պեդրո Զարոկյանը ֆեյսբուքյան իր էջում գրել է. «Ամոթալի է, որ Հայաստանի նման ծովային ելք չունեցող երկիրը, որի ղեկավարները փոխում են առևտրային գործընկերներին՝ նախապատվություն տալով այնպիսի երկրների, որոնց հետ ցամաքային հաղորդակցություն չունենք, ստիպված է հույսը դնել Թուրքիայի կառավարության կողմից սուբսիդավորվող բեռնատար ինքնաթիռների վրա՝ սեփականի փոխարեն։
Այն փաստը, որ Հայաստանը չի ապահովում մատչելի ավիափոխադրումներ ժամանակի նկատմամբ զգայուն արտահանման համար, ինչպիսիք են որոշ մրգեր և բանջարեղեններ, մինչդեռ կառավարության քաղաքականության հետևանքով այդ արտահանման ոլորտներն արդեն իսկ լուրջ վնասներ են կրել, լավագույնս ցույց է տալիս այս կառավարության կատարյալ անգործունակությունը։ Այս բեռնատար ինքնաթիռները կարող են տեղափոխել 100-150 տոննա բեռ, և եթե Հայաստանը ցանկանում է գոյատևել` որպես անկախ պետություն, պետք է ունենա մի քանի սուբսիդավորվող նման ինքնաթիռներ»։
