«Ինչո՞ւ դեղատներում չկան այն դեղերը, որ ամենավատ հիվանդությունների դեպքում մարդիկ իրենց կոտորելով ձեռք են բերում»․ Հարություն Հարությունյան
ԱԺ-ում ««Դեղերի մասին» ՀՀ օրենքում լրացումներ և փոփոխություններ կատարելու մասին» նախագծի քննարկման ժամանակ դիմելով Առողջապահության նախարար Անահիտ Ավանեսյանին՝ «Ուժեղ Հայաստան» խմբակցության պատգամավոր Հարություն Հարությունյանը հարց է բարձրացրել, թե ինչո՞ւ դեղատներում չկան այն դեղերը, որ ամենավատ հիվանդությունների դեպքում մարդիկ իրենց կոտորելով ձեռք են բերում։
|
«Ձեր լիազորության իրականացման հնարավորությունը չպետք է զրկի տնտեսվարող սուբյեկտներին Եվրոպայից դեղ բերելուն։ Դուք ասում եք՝ այս պահին էլ է կարգավորված դա, բա որ կարգավորված ա, ինչո՞ւ դեղատներում չկան այն դեղերը, որ ամենավատ հիվանդությունների դեպքում մարդիկ իրենց կոտորելով, իրենց դատարկ գրպանի կոպեկները քաշելով փորձում են ձեռք բերել։ Ամեն անգամ ստիպված գնում են զարտուղի ճանապարհով, մաքսանենգ ճանապարհով, վտանգներ են հաղթահարում, իրենց գրպանի վերջին կոպեկը դնում են՝ հասանելիություն չունեն»,- ասել է նա։ |
