Վրաստանցիների 41%-ն աջակցում է ՆԱՏՕ-ին անդամմակցությունը, 45%-ը՝ ԵՄ-ին, 19%-ը՝ ԵԱՏՄ-ին

Կովկասյան հետազոտությունների ռեսուրս կենտրոնի (CRRC -Վրաստան) հետազոտության համաձայն վրաստանցիների 41%-ը աջակցում է Վրաստանի ՆԱՏՕ-ին անդամակցությանը, 45%-ը Եվրամիությանը անդամակցությանը, իսկ 19%-ը Եվրասիական տնտեսական միությանը (ԵԱՏՄ): Ինչպես հայտնում է jnews.ge-ն, հարցման համաձայն, հարցվածների 41% -ը հավանություն է տալիս Վրաստանի ՆԱՏՕ-ին անդամակցությանը, 26%-ը մասամբ կողմ մասամբ դեմ է, իսկ 20% -ը դեմ է Վրաստանի ՆԱՏՕ-ին անդամակցությանը: Եվրամիության դեպքում անդամակցության կողմնակիցների թիվը հետևյալն է. հարցվածների 45% -ը աջակցում է Վրաստանի անդամակցությանը այդ կազմակերպությանը, 28%-ը մասամբ կողմ է մասամբ դեմ, իսկ 14%-ը դեմ է Վրաստանի անդամակցությանը Եվրամիությանը: Ինչ վերաբերում է Եվրասիական միությանը, ապա հարցվածների 19%-ը աջակցում է Վրաստանի անդամակցությանը այդ կազմակերպությանը, 24%-ը մասամբ կողմ են, մասամբ դեմ, իսկ 38%-ը դեմ է Եվրասիական միությանը Վրաստանի անդամակցությանը: Այս ուսումնասիրությունը Վրաստանում անցկացվում է ամեն տարի՝ սկսած 2008 թվականից, իսկ 2013 թվականից, ամեն երկու տարին մեկ: Ուսումնասիրությունը իրականացվել է 2017-ի սեպտեմբերի 23-ից մինչ հոկտեմբերի 10-ը ընկած ժամանակահատվածում և հարցվել է 2 379 հարցվող: Ուսումնասիրության միջին սխալի սահմանը կազմում է 2%: