ԱՄՆ-ը ցանկանում է Պուտինին տեսնել G20-ի գագաթնաժողովին
Ռուսաստանը դեկտեմբերին Մայամիում կայանալիք «Մեծ քսանյակի» (G20) գագաթնաժողովին կմասնակցի բարձր մակարդակով։ Ռուսական պատվիրակության կազմը կորոշվի գագաթնաժողովի նախօրեին։ Այս մասին ՏԱՍՍ-ին տված հարցազրույցում հայտարարել է ՌԴ արտաքին գործերի նախարարի տեղակալ Ալեքսանդր Պանկինը։
«Ռուսական պատվիրակության կազմը դեռ որոշված չէ։ Սա ընդունված պրակտիկա է։ Սովորաբար թե՛ մեզ մոտ, թե՛ մեր գործընկերների շրջանում նման որոշումներն ընդունվում են միջոցառման նախօրեին»,– նշել է դիվանագետը։
Նա հիշեցրել է, որ ամերիկյան կողմը պաշտոնապես հրավիրել է Ռուսաստանին՝ բազմիցս հրապարակայնորեն հայտարարելով, որ ցանկանում է գագաթնաժողովին տեսնել նաև ՌԴ նախագահ Վլադիմիր Պուտինին։ Պանկինի խոսքով՝ դա բնական է, քանի որ նման քայլը նախագահող երկրի պարտականությունն է։
ՌԴ փոխարտգործնախարարը հավաստիացրել է, որ ռուսական կողմը մտադիր է ակտիվորեն մասնակցել գագաթնաժողովին։
«Ամեն դեպքում մենք ներկայացված կլինենք բարձր մակարդակով»,– ընդգծել է նա։
Հետևեք մեզ Viber-ում
