Պայթյուն քիմիական գործարանում, կա զոհ և մի քանի տուժած

РИА Новости-ն հայտնում է,որ  Չինաստանի Շանդուն նահանգի  Լինշու շրջանում քիմիական գործարաններից մեկում այս առավոտ պայթյուն է որոտացել:Պայթյունի հետևանքով մահացել է 1 մարդ, մարմնական վնասվածքներ են ստացել 6-ը, ևս 1 մարդ համարվում է անհայտ կորած: Տեղի իշխանությունների փոխանցած տեղեկությունների համաձայն՝ պայթյունը որոտացել է տեխսպասարկման աշխատանքների ժամանակ: Բոլոր տուժածները, որոնցից երկուսը գտնվում են ծանր վիճակում, տեղափոխվել են հիվանդանոց: Պայթյունի պատճառներն ու այլ մանրամասներ դեռևս հայտնի չեն: