Մոսկվայի օդանավակայաններում շուրջ 60 չվերթ չեղարկվել կամ ուշացել է.ինչն է պատճառը

Interfax-ը` հղում կատարելով «Յանդեքս. ժամանակացույց» ծառայությանը տեղեկացնում է,որ Մոսկվայի երեք օդանավակայաններում վատ եղանակային պայմանների պատճառով փետրվարի 3-ին հետաձգվել կամ չեղյալ է հայտարարվել շուրջ 60 չվերթ:   Շերեմետևո օդանավակայանում գրանցվել է 29 չվերթի ուշացում, Վնուկովոյում` 13, Դոմոդեդովոյում` 12-ն ուշացել է, 14-ն էլ` չեղարկվել: «Արմենիա» միջազգային օդանավակայանների կայքից տեղեկանում ենք, որ փետրվարի 3-ի համար 14:50-ի դրությամբ նախատեսված է 7 չվերթ դեպի Մոսվկա: Դրանցից երեքը, որոնք նախատեսում են վայրէջք կատարել Դոմոդեդովո օդանավակայանում, նշված ժամանակից ուշ են թռչելու, մյուսների դեպքում, ըստ ցուցատախտակի, ուշացումներ չեն նախատեսվում: