«Չորս հոգով կնստեն, բլոտ կխաղան»․ Նահապետյանը հեգնում է

Պահեստազորի սպա Հայկ Նահապետյանի կարծիքով՝ Նիկոլ Փաշինյանն իրեն պատեպատ է տալիս՝ փորձելով ցույց տալ, թե Հայաստանում ամբողջությամբ վերահսկում է իրավիճակը։ Սակայն, ըստ փորձագետի, Փաշինյանը շատ լավ գիտակցում է արտաքին ճնշումների լրջությունը։

Նահապետյանը համոզված է, որ եթե ընդդիմությունը ճիշտ մարտավարություն ընտրի և գործի ոսկերչական ճշգրտությամբ, Փաշինյանին այլ ելք չի մնա, քան սուսուփուս հրաժարական տալը։ Այդ դեպքում նա կարող է որոշակի երաշխիքներ ստանալ և, ինչպես փորձագետն է կեսկատակ, կեսլուրջ նշում, մի հոգու էլ թևի տակ առնել ու մեկնել Դոնի Ռոստով՝ Յանուկովիչի և Ասադի հետ բլոտ խաղալու։

«Չորս հոգով կնստեն, բլոտ կխաղան»,- հեգնանքով նշել է Նահապետյանը։

Պահեստազորի սպաի համոզմամբ՝ Փաշինյանն իրականում մտածում է նաև նման սցենարի մասին։ Ըստ նրա՝ վարչապետը հաշվարկում է, թե իրավիճակի ծայրահեղ վատթարացման դեպքում որտեղ կարող է ապաստան գտնել և ապահովել իր ու մերձավորների անվտանգությունը։