Հանձնառու ենք գործուն մասնակցություն ունենալ հայտարարությամբ ամրագրված չորս կետերի իրագործման բարդ, բայց այլընտրանք չունեցող պայքարում. «Միասին»

«ՄԻԱՍԻՆ» ԱՅԼԸՆՏՐԱՆՔԱՅԻՆ ՀԱՍԱՐԱԿԱԿԱՆ-ՔԱՂԱՔԱԿԱՆ ՇԱՐԺՄԱՆ  ՀԱՄԱԿԱՐԳՈՂ ԽՈՐՀՐԴԻ

ՀԱՅՏԱՐԱՐՈՒԹՅՈՒՆԸ

«Միասին» այլընտրանքային, հասարակական-քաղաքական շարժման համակարգող խորհուրդը հիմնադրման օրից նպատակ է հռչակել Հայաստանի քաղաքական, հասարակական ուժերի համախմբումը՝ ազգային հիմնախնդիրները միասնաբար լուծելու նպատակով։

«Միասին» շարժումը և Հայաստանի Դեմոկրատական կուսակցությունը ողջունում են «Ուժեղ Հայաստան» կուսակցության նախաձեռնած ընդդիմադիր քաղաքական ուժերի համախմբման նախաձեռնությունը մեր պետության ինքնիշխանությանը և անվտանգությանը սպառնացող մարտահրավերներին ընդառաջ։

 Հանձնառու ենք գործուն մասնակցություն ունենալ հայտարարությամբ ամրագրված չորս կետերի իրագործման բարդ, բայց այլընտրանք չունեցող պայքարում։ Միաժամանակ, փաստում ենք, որ մեզ անհայտ պատճառով և առանց մեր կառույցի ղեկավար ներկայացուցչի մասնակցության «Միասին» շարժման անունը տեղ է գտել նշված հայտարարությունը ստորագրողների շարքում (թեև, ընդգծենք, որ համոզված ենք, որ այդ ստորագրությունը պետք է լինի)։ Վճռական ենք՝ գործելու համակարգված, անկասելի և համախումբ՝ ի շահ Հայոց պետականության, հայրենիքի, և ժողովրդի արդարացի սպասումներին համապատասխան։

«Միասին» այլընտրանքային,

հասարակական-քաղաքական շարժման խորհրդի անունից՝

Խորհրդի համակարգող՝

Արամ Սարգսյան