Եվրոպայի հետ անվտանգության շուրջ երկխոսություն վաղ, թե ուշ ծավալվելու է․ Պեսկով
«Ռուսաստանը վաղ, թե ուշ ստիպված է լինելու երկխոսության մեջ մտնել եվրոպական երկրների հետ՝ Եվրոպայում անվտանգության ապագա ճարտարապետության վերաբերյալ, բայց առաջին հերթին պետք է հասկանալ՝ ում հետ այդ երկխոսությունը վարել»,- ասել է ՌԴ նախագահի մամուլի խոսնակ Դմիտրի Պեսկովը՝ "Вести"-ին տված հարցազրույցում։
«Վաղ, թե ուշ, իհարկե, եվրոպացիների հետ երկխոսություն պահանջվելու է, քանի որ խոսք է գնալու Եվրոպայի անվտանգության ապագա համակարգի մասին, ինչը կարգավորման անքակտելի բաղադրիչներից է, բայց կարևոր է հասկանալը, թե ում հետ երկխոսել»,- ասել է Կրեմլի ներկայացուցիչը։
Նրա խոսքով՝ եվրոպացիները արդեն շատ երկար ժամանակ է՝ չեն կարողանում որոշել, թե իրենցից ով իրավունք ունի երկխոսության մեջ մտնել Ռուսաստանի հետ։
«Նրանք դրա համար պետք է թույլտվություն խնդրեն մեկը մյուսից»,- հավելել է Դմիտրի Պեսկովը։
Պեսկովի գնահատմամբ՝ Եվրոպայում դեռ երկար ու բարդ պրոցեսներ կընթանան, մինչև հաջողվի ընտրել նրանց, ովքեր իրավասություն կունենան բանակցել Ռուսաստանի հետ։
Հետևեք մեզ Viber-ում
