Սլովանը հաղթեց, Բարսեղյանը՝ գոլի հեղինակ

Սլովակիայի առաջնության 13–րդ տուրի շրջանակում «Պոդբրեզովան» սեփական հարկի տակ ընդունեց «Սլովանին»։ Վերջինս հաղթանակ տոնեց 2–1 հաշվով։

Հյուրերի կազմում 41–րդ րոպեին հանդիպման հաշիվը բացեց Տիգրան Բարսեղյանը․ հայ ֆուտբոլիստը 4–րդ գոլը խփեց առաջնությունում, նա իր ակտիվում ունի նաև երկու գոլային փոխանցում։ Ընհանուր առմամբ բոլոր մրցաշարերում Բարսեղյանը խփել է 5 գոլ ու կատարել երեք գոլային փոխանցում։

Այս հանդիպումից հետո «Սլովանը» 27 միավորով 2–րդն է մրցաշարային աղյուսակում:

Armsport