Իսրայելում ստեղծվեց քաղաքական նախաճգնաժամային վիճակ. Հակոբ Բադալյան

Քաղաքագետ Հակոբ Բադալյանը գրել է․

«Նաթանյահուն չպարտվեց, բայց նաեւ՝ չհաղթեց։ Իսրայելում ստեղծվեց քաղաքական նախաճգնաժամային վիճակ։ Պետք է կազմավորվի կոալիցիա, ընդ որում կարծես թե արաբական կուսակցությունների մասնակցությամբ, եթե նրանք համաձայնեն։ Բոլոր պարագաներում, կոնֆիգուրացիան կարծես թե այնպիսին է, որ իրավիճակը լինելու է ժամանակավոր։ Հարցն այն է, թե ինչքան ժամանակ։

Նաթանյահուն այդ իմաստով առնվազն շահեց որոշակի ժամանակ, նվազագույնը մոտ երկու ամիս՝ մինչ պարզ կլինի կառավարող կոալիցիայի հարցը։ Իսկ հետո՝ կերեւա։

Իսրայելի համար իհարկե այս վիճակը նոր չէ։ Օրինակ, 2019–2022 թվականներին Իսրայելը անցկացրել է խորհրդարանի 5 ընտրություն։ Օրինակ, 2021–ին ձեւավորվեց ընդդիմադիր «հականաթանյահուական» կոալիցիա, որը սակայն չունեցավ կայուն կյանք եւ ի վերջո 2022 թվականի նոյեմբերի ընտրության արդյունքում Նաթանյահուն վերադարձավ իշխանության։

Հիմա կարծես թե Իսրայելը մտնում է տուրբուլենտության նոր փուլ։ Սա ռեգիոնի համար կարող է ավելի ապահով չլինել, քան Նաթանյահուի մեծամասնությամբ Իսրայելը։ Հավանաբար նաեւ հենց այս մոտիվն էր, որ Իսրայելում ընտրության փաստացի նախօրեին Թուրքիայի, Պակիստանի եւ Սաուդյան Արաբիայի առանցքային ուժային պաշտոնյաներին տարել էր Իրան, որտեղ կայացել էին քննարկումներ ռեգիոնալ անվտանգության վերաբերյալ»։